2013 jylǵy aqpanda Qazaqstan Respýblıkasyndaǵy ınflıatsııa 0,8 paıyzdy qurady
ASTANA. 4 aqpan. QazAqparat - Ótken aıda azyq-túlik taýarlar baǵasy 0,4%, azyq-túlik emes taýarlarǵa - 0,2%, aqyly qyzmetterge - 1,8%-ǵa ósti. Bul týraly QR Statıstıka agenttiginiń málimetterinde habarlandy.
Ótken aıda baǵa ósimi kartopqa 2,9%, jańa jınalǵan jemister jáne kókónisterge - 1,6%, makaron ónimderine - 1,4%, un, qyshqyl sút ónimderine - 1,1%-dan, shaıǵa - 0,8%, pasterlengen sútke, kúnbaǵys maıǵa - 0,7%-dan, balyq jáne teńiz ónimderine - 0,5%, sary maıǵa - 0,4%, jumyrtqaǵa - 0,2%-ǵa ósýi belgilendi. Baǵanyń tómendeýi qaraqumyq jarmaǵa, qantqa 0,5%-dan, sıyr etine - 0,2%-ǵa tirkeldi.
Baǵalar úıge qajetti zattarǵa, jýǵysh jáne tazalaǵysh ónimderine 0,4%-dan, kıim jáne aıaq kıimge - 0,3%, farmatsevtıkalyq ónimderge, jeke kútimge arnalǵan taýarlarǵa, qatty otynǵa - 0,2%-dan ósti. Dızeldik otyn 1,3%, benzın - 0,4%-ǵa arzandady.
Baǵa deńgeıi densaýlyq saqtaý qyzmetterge 1,1%, shashtarazdar ben jeke qyzmet kórsetý oryndarynyń qyzmetterine - 0,9%, mektepke deıingi bilim berý qyzmetterge - 0,4%-ǵa ósti, alys qashyqtyqqa qatynaıtyn jolaýshylardyń temir jol kólik qyzmetterine - 2,9%-ǵa tómendedi. Telefon úshin abonenttik tólem 20%-ǵa joǵarylady.
Turǵyn úı-kommýnaldyq qyzmetter salasynda tarıfter kárizge 15,1%, sýyq sýǵa - 7,2%, elektr energııaǵa - 1,7%, ortalyqtan jylytýǵa - 0,6%, ystyq sýǵa - 0,5%, turǵyn úıdi kútip ustaýǵa - 0,3%-ǵa ósti.
