2013 jylǵy 3 toqsanǵa arnalǵan kedeılik shegi Qazaqstanda eń tómengi kúnkóris deńgeıiniń 40 paıyzy mólsherinde anyqtaldy - Eńbek mınıstri
ASTANA. 3 shilde. QazAqparat - Qazaqstan Respýblıkasy Eńbek jáne halyqty áleýmettik qorǵaý mınıstrliginiń buıryǵymen 2013 jylǵy 3 toqsanǵa arnalǵan eń tómengi kúnkóris deńgeıiniń mólsheri anyqtaldy.
QazAqparat osy qujattyń mátinin taratady.
Qazaqstan Respýblıkasy Eńbek jáne halyqty áleýmettik qorǵaý mınıstrliginiń buıryǵy № 274
2013 jylǵy 26 maýsym Astana qalasy
2013 jylǵy 3 toqsanǵa arnalǵan kedeılik shegin anyqtaý týraly
Qazaqstan Respýblıkasy Úkimetiniń 2000 jylǵy 8 sáýirdegi № 537 qaýlysymen bekitilgen Kedeılik shegin anyqtaý erejesiniń 4-tarmaǵyna sáıkes ataýly áleýmettik kómektiń mólsherin anyqtaý úshin Qazaqstan Respýblıkasynyń kúnkórisi tómen azamattaryna áleýmettik kómek kórsetý ólshemderin belgileý maqsatynda buıyramyn:
1. Qazaqstan Respýblıkasy boıynsha 2013 jylǵy 3 toqsanǵa arnalǵan kedeılik shegi Qazaqstan Respýblıkasynyń Statıstıka agenttigi ótken toqsanǵa eseptegen eń tómengi kúnkóris deńgeıiniń 40 paıyzy mólsherinde anyqtalsyn.
2. Qazaqstan Respýblıkasy Eńbek jáne halyqty áleýmettik qorǵaý mınıstriniń «2013 jyldyń 2 toqsanyna arnalǵan kedeılik shegin anyqtaý týraly» 2013 jylǵy 28 naýryzdaǵy № 125-Ó-M buıryǵynyń (Normatıvtik-quqyqtyq aktilerdi tirkeýdiń memlekettik tiziliminde № 8394 tirkelgen jáne 2013 jylǵy 6 sáýirdegi «Kazahstanskaıa pravda» № 121-122, 2013 jylǵy 6 sáýirdegi «Egemen Qazaqstan» № 101 gazetterinde jarııalanǵan) kúshi joıylǵan dep tanylsyn.
3. Áleýmettik kómek departamenti (N.A.Krıýkova) osy buıryqtyń:
1) zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin jáne resmı jarııalanýyn;
2) oblystyq, Astana jáne Almaty qalalarynyń jumyspen qamtýdy úılestirý jáne áleýmettik baǵdarlamalar basqarmasyna jetkizýdi qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasy Eńbek jáne halyqty áleýmettik qorǵaý vıtse-mınıstri T. B. Dúısenovaǵa júktelsin.
5. Osy buıryq alǵashqy resmı jarııalanǵan kúninen bastap kúshine enedi jáne 2013 jylǵy 1 shildeden bastap týyndaǵan qatynastarǵa qoldanylady.
Mınıstrdiń mindetin atqarýshy T.DÚISENOVA.
Buıryq Qazaqstan Respýblıkasynyń Ádilet mınıstrliginde 2013 jylǵy 27 maýsymda Normatıvtik quqyqtyq kelisimderdi memlekettik tirkeýdiń tizilimine №8529 bolyp engizildi.
