2013 jylǵa qaraı naýqastardyń medıtsınalyq kartasy elektrondy túrde júrgiziledi - QR DSM
ASTANA. 14 aqpan. QazAqparat /Gúlmıra Álıakparova/ - 2013 jylǵa qaraı dárigerler qaǵaz bastylyqtan tolyǵymen arylyp, naýqastardyń medıtsınalyq kartasy elektrondy túrde júrgiziledi.
Bul týraly búgin Astanada Qazaqstannyń densaýlyq saqtaý salasyn reformalaýǵa baǵyttalǵan jobanyń 2010 jylǵy qorytyndysyna arnalǵan dóńgelek ústel otyrysynda Densaýlyq saqtaý mınıstrligi Strategııalyq damý departamentiniń dırektory Bolat Tókejanov aıtty.
B.Tókejanov málim etkendeı, joba 2008-2013 jyldarǵa eseptelgen jáne ony júzege asyrýǵa Dúnıejúzilik bankten 117 mln. dollar kóleminde zaem tartyldy. 2009-2010 jyldary bul somanyń 4827 mln. teńgesi ıgerildi. 11 829 adam bilimin jetildirdi. Taǵy 365 maman biliktilikterin shet elderde kóterip qaıtsa, 4-ýi álemniń úzdik JOO-larynyń magıstratýrasynda bilim alýda.
«Jobanyń alǵashqy maqsaty - densaýlyq saqtaý salasyn qarjylandyrýdy jetildirý, dárigerler men orta býyn qyzmetkerlerdiń bilimi men kórsetiletin qyzmetterdiń sapasyn arttyrý, sondaı-aq zerthanalar men farmatsevtıkalyq júıeni zamanaýılandyrý bolyp tabylady", - dep atap ótti ol.
Búgingi kúnge deıin joba sheńberinde Biryńǵaı ulttyq densaýlyq saqtaý júıesin júzege asyrý úshin medıtsınalyq mekemelerdiń sapasyna baǵa beretin - Akkredıtteý ortalyǵy ashyldy. Odan bólek, Dárilik-aqparat ortalyǵy, halyqaralyq konsýltatsııalyq kompanııalarmen birlesip jumys isteıtin resýrstyq ortalyq pen Kodeks Alımentarıýs toby quryldy, sondaı-aq Standarttaý jáne medıtsınalyq tehnologııalardy baǵalaý ortalyǵynyń jumysy kúsheıtildi, Medıtsına bilimi men ǵylymynyń ınnovatsııalyq tehnologııalar respýblıkalyq ortalyǵynyń qyzmeti óristetildi.
«Qarjynyń 80 paıyzǵa jýyǵy densaýlyq saqtaý salasyn aqparattandyrý júıesine baǵyttalady. Júıe - dárigerdiń eńbegin jeńildetýǵa baǵyttalǵan. Onda birinshiden, naýqastyń týylǵannan qazirgi kúnge deıingi elektrondy kartasy tolyq saqtalady. Onymen birge, emdeý-dıagnostıkalyq úrdister avtomattandyrylady. Qazir derekter bazasy bir zerthanadan ekinshisine mehanıkalyq túrde tasymaldanady. Nátıjesinde dáriger qaǵaz bastylyqtan arylyp, emdeýge kóp ýaqyt bóletin bolady», - dedi Departament bastyǵy.
B.Tókejanovtyń sózine qaraǵanda, joba 2010-2015 jyldarǵa arnalǵan «Salamatty Qazaqstan» memlekettik baǵdarlamasyn tolyqtyryp, ońtaıly júzege asýy úshin qolǵa alyndy.
