2013 jylǵa qaraı Qazaqstan sýdıalary ómir boıy memlekettik qamtamasyz etýge qol jetkizýi múmkin - B. Beknazarov
ASTANA. 8 qyrkúıek. QazAqparat /Jasulan Amanbaıuly/ - 2013 jylǵa qaraı Qazaqstan sýdıalary ómir boıy memlekettik qamtamasyz etýge qol jetkizýi múmkin. Bul týraly búgin elordada Joǵarǵy Sot tóraǵasy Bektas Beknazarov málim etti.
Joǵarǵy Sot tóraǵasynyń aıtýynsha, sýdıalardy memleket tarapynan qamtamasyz etý jónindegi usynystar kóp jyldardan beri el bıligine joldanyp kelgen. Alaıda sot júıesi qyzmetkerleriniń atalǵan «qolqasy» osy ýaqytqa deıin keri qaıtarylyp otyrdy.
«Bıyl osy máselede alǵashqy jemisti qadam jasaldy. Meni 31 mamyr kúni Elbasy qabyldaǵanda, osy saýaldy sol kisiniń aldyna qoıǵan bolatynmyn. Men Memleket Basshysyna atalǵan másele oń sheshilýi tıis ekendigindigin aıttym jáne Prezıdent rezolıýtsııada ıá, Qazaqstan sýdıalaryn ómirlik qamtamasyz etýge kóshýdi kezeń-kezeńimen júrgizý qajet, dep atap kórsetken bolatyn. Úkimetke tapsyrma berildi, qazir esepteýler jasalýda, jumys bastalyp ketti», - dedi B. Beknazarov.
B. Beknazarovtyń aıtýynsha, otandyq sot júıesiniń ardagerleri bastalǵan istiń sońyn 2013 jylǵa qaraı kórip qalýy ǵajap emes. «Menińshe, biz sýdıalardyń ómir boıy qamtamasyz etilýine kóp degende 1-2 jyldan soń qol jetkizemiz», - dep túıdi sózin tóraǵa.
