2013 jyldyń sońyna qaraı Aýyl sharýashylyǵy mınıstrligi tolyq avtomattandyrylady
ASTANA. 14 qyrkúıek. QazAqparat - «Agroónerkásiptik keshen-Tuǵyrnama» jobasynyń arqasynda 2013 jyldyń sońyna qaraı QR Aýyl sharýashylyǵy mınıstrligi tolyq avtomattandyrylatyn bolady,
dep habarlady pm.kz saıty vedomstvonyń baspasóz qyzmetine silteme jasap.
«Aýyl sharýashylyǵy mınıstrligi «Agroónerkásiptik keshen salasynda birtutas aqparattyq keńistikke elektrondyq-aqparattyq resýrstardy, júıeler men aqparattyq-telekommýnıkatsııalyq jelilerdi damytý» («AÓK-Tuǵyrnama») jobasyn ázirlep, onyń tehnıkalyq-ekonomıkalyq negizdemesin kelisip otyr. Osy jobanyń aıasynda, oblystyq jáne aýdandyq deńgeılerdi qosa eseptegende, 6011 avtomattandyrylǵan jumys ornyn qurý qarastyrylýda»,- delingen vedomstvo habarlamasynda.
ıAǵnı, jobany iske asyrýdyń nátıjesinde 2013 jyldyń sońyna qaraı Aýyl sharýashylyǵy mınıstrligi men onyń barlyq deńgeıdegi aýmaqtyq bólimderi tolyq avtomattandyrylmaq.
Oǵan qosa, nesıelik-lızıngtik qyzmetti basqarýdyń avtomattandyrylǵan júıesin engizý jobasy da iske asyrylýda. Júrgizilgen taldaý jumystarynyń qorytyndysy boıynsha «QazAgroQarjy» AQ nesıelik-lızıngtik qyzmetti Oracle kompanııasynyń CRM bazasynyń negizinde avtomattandyrýdy baǵdarlamalyq qamtamasyz etý týraly sheshim qabyldap otyr.
Bul júıe bólim qyzmetkerleriniń ózderine tapsyrylǵan jumystardy merziminde oryndaýlaryn baqylaýdy, joba boıynsha barlyq qorytyndylardy, sondaı-aq joba boıynsha kelisilgen jumysty qamtamasyz etedi.
