2013 jyldyń mańyzdy qorytyndysy - ol aýyl ákimderiniń saılanýy - Ǵ.Ábdirahymov

ASTANA. 19 qarasha. QazAqparat - 2013 jyldyń mańyzdy qorytyndysy - ol aýyl ákimderiniń saılanýy. Bul týraly búgin Ortalyq kommýnıkatsııalar qyzmetinde ótken brıfıngte QR Prezıdenti Ákimshiligi basshysynyń orynbasary Ǵabıdolla Ábdirahymov aıtty.

«2013 jyldyń taǵy bir mańyzdy qorytyndysy - ol aýyl ákimderiniń saılanýy jáne jergilikti ózin-ózi basqarý múmkindikterin keńeıtý. Aýyldaǵy halyqtyń yqpalyn arttyrý maqsatynda Elbasy 2013 jyldan bastap aýyl ákimderin saılaýdy jáne jergilikti ózin-ózi basqarý múmkindikterin keńeıtýdi tapsyrdy», - dedi ol. Ǵ.Ábdirahymov óz sózinde 2013 jyldyń tamyz aıynda Qazaqstan tarıhynda alǵash ret aýyl ákimderiniń saılaýy ótkendigin atap ótti. «Jergilikti halyqpen talqylanǵannan keıin máslıhattar 7 myń úmitkerden 2457 ákimdi 4 jylǵa saılady, bul 7,5 mıllıon qazaqstandyqtardy qamtıtyn eldi mekender. Osylaısha, halyqpen tikeleı jumys isteıtin jáne negizinen jergilikti problemalardy sheshetin barlyq ákimder saılaýdan ótti»,- dedi ol.