2013 jyldyń І jartyjyldyǵynda profılaktıkalyq tekserýden 2,5 mln. bala ótti - DSM
ASTANA. 20 tamyz. QazAqparat - 2013 jyldyń І jartyjyldyǵynda profılaktıkalyq tekserýden 2,5 mln. bala ótti. Bul týraly búgin Úkimettiń selektorlyq rejimdegi otyrysynda QR Densaýlyq saqtaý mınıstri Salıdat Qaıyrbekova málim etti.
«Jyl saıyn 18 jasqa deıingi balalardyń profılaktıkalyq medıtsınalyq tekserýleri ótkiziledi. Odan keıin olar baqylaýǵa alynyp, saýyqtyrylady. 2013 jyldyń І jartyjyldyǵynda profılaktıkalyq tekserýden 2,5 mln. bala ótti, olardyń 41,5 paıyzy «D» esepke alyndy», - dedi ol.
Mınıstrdiń atap ótýinshe, júkti áıelder qursaǵynyń damýynda týa bitken aqaýlardy, tuqym qýalaıtyn aýrýlardy anyqtaý úshin bosanǵanda deıin skrınıngtik tekserýlerden ótedi.
