2013 jyldyń І jartyjyldyǵynda Qazaqstanda 400 tonna sapasyz azyq-túlik satylymnan shyǵarylǵan - sanıtarlyq-epıdemıologııalyq qadaǵalaý
ASTANA. 5 tamyz. QazAqparat - Qazaqstanda 2013 jyldyń birinshi jartyjyldyǵynda 400 tonnaǵa jýyq sapasyz azyq-túlik ónimi anyqtalyp, joıyldy, dep málim etti QR Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıtetiniń tóraǵasy Jandarbek Bekshın QR Prezıdenti janyndaǵy Ortalyq kommýnıkatsııalar qyzmetiniń baspasóz máslıhaty barysynda. Bul týraly www.primeminister.kz saıty habarlady.
«Biz Qazaqstanǵa ákelinetin jáne osynda óndiriletin ónimderge turaqty monıtorıng júrgizip turamyz. Monıtorıng barysynda ústimizdegi jyldyń jartyjyldyǵynyń qortyndysy boıynsha 400 tonna azyq-túlik saýdadan alynyp tastalyp, joıyldy. Negizinen bul mıkrobıologııalyq kórsetkishter boıynsha sanıtarlyq normalarǵa sáıkes kelmegen, sapasyn rastaıtyn qujattary joq azyq-túlikter», - dedi elimizdiń bas sanıtarlyq dárigeri.
Sonymen qatar, ol búgingi tańda elimizdiń sanıtarlyq-epıdemıologııalyq qyzmeti barlyq qajetti ınfraqurylymǵa jáne azyq-túliktiń sapasyn anyqtaıtyn, burmalanǵan ónimderdi tabatyn qural-jabdyqtarǵa ıe ekenin atap ótti.
J.Bekshın aıtyp ótkendeı, «bul fýnktsııa óz zerthanalary men kadrlyq quramyn saqtap qalǵan jaǵdaıda sanıtarlyq-epıdemıologııalyq qyzmetke júktelýi múmkin».
«Bul jumys elimizde áli júrgizilgen joq... Oǵan qosa, Qazaqstannyń ishki naryǵyna burmalanǵan et jáne sút ónimderiniń kelýimen jaǵdaı qıyndap ketti. Azyq-túlikterge arzan toltyrǵyshtar men almastyrǵyshtar qosylady. Bul baǵyttaǵy jumys kelesi jyldan bastalady», - dep tolyqtyrdy ol.
Sanıtarlyq-epıdemıologııalyq júıede 4,5 myńnan astam memlekettik qyzmetker, ǵylymı ortalyqtardyń, zerthanalardyń jáne obaǵa qarsy dezınfektsııalyq qyzmetterdiń 10 myńǵa jýyq mamany jumys jasaıdy. Qyzmette 100-ge jýyq birlik zamanaýı zerthanalyq qural-jabdyq bar, olar GMO dıagnostıkalaýǵa jáne azyq-túlikterdi radıatsııalyq zararsyzdandyrý júrgizýge múmkindik beredi.
