2013 jyldyń birinshi jartyjyldyǵynda jol apatynan myńnan astam adam qaza tapty
ASTANA. 22 shilde. QazAqparat - Jol polıtsııasy bólimsheleri qabyldap jatqan sharalarǵa qaramastan respýblıka joldarynda apattylyq jaǵdaı kúrdeli:
2013 jyldyń 6 aıynda 8462 jol-kólik oqıǵasy ( JKO) tirkelgen, 1 167 adam mert bolǵan jáne 10 837 adam túrli dárejede dene jaraqatyn aldy.
ІІM Jol polıtsııasy komıteti baspasóz qyzmetiniń habarlaýynsha, ótken jyldyń osy kezeńimen salystyrǵanda oqıǵalardyń sany 49%-ǵa ósken, mert bolǵan jáne jaraqattanǵandardyń sany tıisinshe 5% jáne 59% artqan.
Pavlodar jáne Soltústik Qazaqstan oblystarynan basqa JKO sanynyń ósýi barlyq óńirlerde baıqalady.
78% nemese 6 628 JKO eldi mekenderde tirkelgen. Árbir jetinshi JKO respýblıkalyq jáne halyqaralyq mańyzy bar joldarda jasalǵan. Jergilikti joldarda 642 JKO tirkelgen.
JKO sanynyń negizgi sebebi, burynǵydaı Jol qozǵalysy erejelerin óreskel buzatyn kólik júrgizýshileriniń tómen tártibi bolyp tabylady. Júrgizýshilerdiń kinási boıynsha 7 665 JKO tirkelgen, bul barlyq oqıǵalardyń 91%-yn quraıdy.
21,6% JKO jyldamdyqty asyrý sebebinen jasalǵan (1 825 JKO);
9,3% JKO - jaıaý júrginshiler ótpesinen ótý erejelerin buzý (789 JKO);
8,6% JKO - qıylystardan ótý erejelerin buzý (728 JKO);
8,3% JKO - joldyń qarsy baǵytyna shyǵý (705 JKO).
Mas kúıinde júrgizýshilerdiń kinásinen 249 JKO jasalǵan, onda 50 adam qaza boldy jáne 385-i- jaraqat aldy.
Avtobýs júrgizýshileriniń kinásinen 256 JKO jasalǵan. Onyń ishinde udaıy baǵdardaǵy avtobýs júrgizýshileriniń kinásinen (76,5%) JKO tirkelgen.
Árbir ekinshi JKO jaıaý júrginshilerdi qaǵyp ketýmen (46%) baılanysty bolǵan, olardyń qatysýymen jalpy qaza tapqandar men jaraqat alǵandardyń sanynan 30% jáne 35% quraıdy. Barlyǵy jaıaý júrginshilerdiń qatysýymen 3 193 JKO tirkelgen, onda 349 adam mert boldy jáne 3 794 adam jaraqat aldy.
Bul rette, 770 JKO jaıaý júrginshilerdiń kinásinen oryn aldy, onyń ishinde 67-si - JKO mas bolǵan jaıaý júrginshilerdiń saldarynan.
Jol polıtsııasy komıteti men jol polıtsııasy bólimsheleri jol qozǵalysy qaýipsizdigin qamtamasyz etý jáne joldarda apattylyq deńgeıin tómendetýge baǵyttalǵan tisti sharalardy qabyldaýda.
