2013 jyldyń 1 qańtarynan bastap zeınetaqy tólemderiniń mólsheri 9 paıyzǵa artady
ASTANA. 12 jeltosqan. QazAqparat - 2013 jyldyń 1 qańtarynan bastap zeınetaqy tólemderiniń mólsheri 9 paıyzǵa arttyrylady.
Bul týraly búgin QR Eńbek jáne halyqty áleýmettik qooǵaý mınıstrliginiń alqa májilisinde belgili boldy.
Qazirgi tańda zeınetaqy qyzmeti naryǵynda 11 jınaqtaýshy zeınetaqy qory jumys isteýde. Salymshylardyń derbes zeınetaqy shottarynyń sany 8,4 mln. birlikti quraıdy (onyń ishinde erikti jáne erikti kásiptik zeınetaqy jarnalary boıynsha shottardyń sany 42,1 myńdy quraıdy). Zeınetaqy jınaqtarynyń kólemi 1998 jylǵy 23,5 mlrd. teńgeden 2012 jylǵy 1 qarashaǵa 3 079 mlrd. teńgege ósip, elimizdiń jalpy ishki óniminiń shamamen 10 paıyzyna jetti.
Yntymaqty zeınetaqyny qazirgi kezde 1,770 myń adam alady. 2012 jyldyń 1 qańtarynan bastap zeınetaqy mólsheri barlyq zeınetkerlerge 9 paıyzǵa arttyryldy. Bazalyq zeınetaqy tólemin qosqanda (8720 teńge) 2012 jylǵy 1 jeltoqsandaǵy jaǵdaı boıynsha zeınetaqynyń ortasha mólsheri 38660 teńgeni quraıdy.
Zeınetaqy tólemderiniń satyp alý qabiletin saqtap qalý úshin 2013 jyldyń 1 qańtarynan bastap zeınetaqy tólemderiniń mólsherin 9 paıyzǵa arttyrýdy kózdeıtin QR Úkimetiniń «2012 jylǵy 1 qańtardan bastap Zeınetaqy tóleý jónindegi memlekettik ortalyqtan tólenetin zeınetaqy tólemderiniń mólsherin arttyrý týraly» qaýlysynyń jobasy ázirlendi. Qazirgi kezde bul joba QR Úkimetiniń qaraýyna engizýge daıarlanýda.
