2013 jyldan bastap úılerdi jóndeý TKSh jańǵyrtý baǵdarlamasy boıynsha bir mehanızmmen júrgiziletin bolady
dep habarlady «TKSh Qazortalyq» AQ basqarmasynyń tóraǵasy Tóleýtaı Rahymbekov Pm.kz saıtyna bergen suhbatynda.
«Ústimizdegi jyldyń sáýir aıynda baǵdarlamaǵa ózgerister engizilgen bolatyn. Kelesi jyldan bastap jóndeý jumystary birinshi mehanızm boıynsha, ınjenerlik jelilerdi, avtomattandyrylǵan jylý pýnktteri men jylýdy esepteý quraldaryn ornatý arqyly júrgiziledi», dedi R.Rahymbekov.
Baǵdarlamany júzege asyrý barysynda bul elementter mindetti túrde oryndalýy shart. Al jóndeý jumystary qajettilikke qaraı - tóbeni, shatyrdy nemese taǵy basqalardy jóndeý retinde jasalady.
T.Rahymbekovtyń aıtýynsha, jurtshylyq kóppáterli úılerdi TKSh baǵdarlamasy boıynsha jóndetýge qyzyǵýshylyq tanytýda.
QR TKSh agenttiginiń málimetterine qaraǵanda, І jartyjyldyqta birinshi mehanızm boıynsha 80 úı jóndelgen. Jyl sońyna deıin 306 kóppáterli turǵyn úılerdi jóndeý josparlanýda.
Ekinshi mehanızm boıynsha 2012 jyly ákimdikter mamandandyrylǵan uıymdarǵa 550 úıdiń jóndeýine nesıe berý úshin 8 mlrd teńge bólgen.Úı jóndeý jumystary Aqtóbe (7 úı), Batys Qazaqstan (25 úı), Pavlodar (26 úı), Soltústik Qazaqstan (7 úı) oblystarynda bastaldy. Kommýnaldyq sektorda 994 shaqyrym jeli men 7 qazandyqty jańǵyrtýdyń quny 16,2 mlrd teńge bolatyn 70 jobasy júzege asyrylýda.
