2013 jyldan bastap parnıktik gaz kvotalarynyń ishki saýda júıesi engiziledi - Úkimet saǵaty
ASTANA. 11 maýsym. QazAqparat - Qorshaǵan ortany qorǵaý mınıstrligi 2013 jyldan bastap parnıktik gaz kvotalarynyń ishki saýda júıesin engizedi.
Bul týraly búgin Májiliste elimizdiń ekoologııalyq máselelerine arnalǵan Úkimet saǵatynda Qorshaǵan ortany qorǵaý mınıstri Nurlan Qapparov málim etti.
Mınıstrdiń aıtýynsha, qazirgi ýaqytta parnıktik gazdardyń kvotalary júıesine baǵyttalǵan jumystardyń ınfraqurylymyn qalyptastyrý boıynsha jumystar júrgizilýde. «Qazirgi kúni kvotalarmen saýda jasaýǵa qatysatyn iri kásiporyndar arasynda parnıktik gazdar kvotalaryn bólýdiń ulttyq jospary pysyqtalyp jatyr. Jalpy alǵanda qolǵa alyp jatqan atalmysh kvotalarmen saýda jasaý alańy TMD aýmaǵyndaǵy tuńǵysh alań bolyp tabylady», - deıdi mınıstr. Budan bólek, vedomstvo basshysy óńirlik ekologııalyq problemalardy sheshý úshin túrli oblystardyń ákimdikterimen jumystar júrgizilip jatqanyn málim etti. «Mysaly, «2010 - 2014 jyldarǵa arnalǵan «Jasyl damý» salalyq baǵdarlamasy» iske asyrylýda. Atap aıtsaq, baǵdarlama sheńberinde qolǵa alynǵan 16 jobanyń 11 jobasy aıaqtaldy. Onyń ishinde Aqtóbe, Oral, Aqtaý, Jańaózen, Beıneý, Quryq qalalaryndaǵy, Shyǵys Qazaqstan oblysynyń Tuǵyl kentindegi kárizdik tazartý qurylystaryn salý jáne qaıta qurý jobalary aıaqtaldy», - deıdi N. Qapparov.
