2013 jyldan bastap dene tárbıesi jáne sport mamandyqtary boıynsha grant sany ulǵaıtylady
ASTANA. 4 jeltoqsan. QazAqparat - 2013 jyldan bastap dene tárbıesi jáne sport mamandyqtary boıynsha grant sany ulǵaıtylady jáne dene tárbıesi muǵalimderiniń biliktiligin arttyramyz.
Bul týraly búgin Úkimet otyrysynda 2017 jylǵy 28-shi qysqy Búkilálemdik ýnıversıadaǵa daıyndyq boıynsha baıandama jasaý kezinde Bilim jáne ǵylym mınıstri Baqytjan Jumaǵulov málim etti.
«Biz joǵary oqý oryndarynyń da sporttyq bazasyn barynsha damytamyz. Buǵan bizdiń mınıstrlik jaýapty. Joǵary oqý oryndarynyń rektorlaryna óz nysandarynyń bazasynda balalar men jasóspirimderdiń sport tektsııalaryn qurý máselesin qaraý tapsyryldy», -dedi vedomstvo basshysy.
Budan bólek ol qysqy sport túrleri boıynsha daıyndyq deńgeıin arttyrý máselesine toqtala kele, mektep jáne kolledj oqýshylary úshin spartakıadalar turaqty túrde ótkiziletindigin jetkizdi. Spartakıada nátıjesi Qazaqstandaǵy ýnıvesıada - 2017 baǵdarlamasyna kirgen 12 qysqy sport túrinen shańǵy jarysy, konkı tebý sporty, shaıbaly hokkeı, short-trektiń damyǵanyn kórsetken. Olar Qaraǵandy, Pavlodar, Soltústik Qazaqstan oblystarynda keńinen óris alyp otyr.
Sonymen qatar mınıstr elimiz boıynsha jaqsy damyǵan sport túrleri - bıatlon, frıstaıl, taý shańǵysy, tramplın, snoýbord, mánerlep syrǵanaý ekendigin atap ótti. Al, kerlıng múlde damymaǵan eken.
