2013 jyldan bastap halyqaralyq izdeýde júrgen adam Almatyda ustaldy

On jyldan astam ýaqyt halyqaralyq izdeýde júrgen turǵyn Almaty áýejaıynda ustaldy, dep habarlaıdy Kazinform.  

«13 qańtarda Almaty qalasynyń halyqaralyq áýejaıynda jalǵan qujattarmen memlekettik shekarany kesip ótý kezinde 1970 jyly týǵan Qazaqstan Respýblıkasynyń azamaty S.Sh.Ahmetov ustaldy. Ol 2013 jyldan bastap asa aýyr qylmystar jasaǵany úshin halyqaralyq izdeýde bolǵan», - delingen ІІM habarlamasynda.

Ustalǵan adam Almaty qalasynyń ýaqytsha ustaý ızolıatoryna qamaldy. Jedel-tergeý is-sharalary júrgizilip jatyr.