2013-2014 oqý jylyna respýblıkanyń barlyq jalpy bilim beretin mektepterinde 290 myńnan astam pedagog bar
ASTANA. 26 tamyz. QazAqparat - 2013 - 2014 oqý jylyna respýblıkanyń barlyq jalpy bilim beretin mektepterinde 292 064 pedagog bar. Bul týraly QR Bilim jáne ǵylym mınıstrliginiń taratylǵan málimetterinde habarlandy.
Pedagog kadrdyń biliktiligi deńgeıinen bilim berý qyzmetiniń sapasy anyqtalady. Respýblıkanyń jalpy bilim berý mektepterinde joǵarǵy jáne birinshi sanatty pedagogtardyń sany 138031 adamdy quraıdy (47,3 paıyz). 2013 jyly 9645 jas pedagogtyń (2012 jyly - 8200) jumysqa kirisýi josparlanýda.
«Oblystar men Astana jáne Almaty qalalarynyń bilim berý basqarmalarynyń derekteri boıynsha qazirgi kezeńde pedagog kadrlarǵa qajettilik 1934 adamdy quraıdy (ótken jyly - 1076). Sonyń ishinde aýyldyq jerde - 1176. Matematıka pánine - 193, hımııaǵa - 84, aǵylshyn tiline - 76, fızıkaǵa - 77, bastaýysh synypqv - 102 oqytýshynyń qajettiligi baıqalady», - delingen mınıstrlik málimetinde.
