2013-2014 oqý jylyna Nazarbaev Ýnıversıtetine 3282 talapker tirkeldi

Tirkeý ýnıversıtet portalynda 2012 jylǵy 1 qarashada ashyldy jáne 2013 jylǵy 31 qańtarda aıaqtaldy. Bıyl ýnıversıtet tarıhynda tuńǵysh ret talapkerler arasyndaǵy qyzdar men uldardyń sany teń bolyp shyqty - 1641/1641, dep habarlady ýnıversıtettiń baspasóz qyzmetinen.

Ótinimder Qazaqstannyń barlyq óńirlerinen jáne basqa da elderden (Ázirbaıjan, Úndistan, QHR, Qyrǵyz Respýblıkasy, Reseı Federatsııasy, AQSh, Tájikstan jáne Ózbekstan) kelip tústi. Bul rette tirkelgen talapkerlerdiń 20 % - astanalyqtar, 19 % - almatylyqtar, 8% - Shyǵys Qazaqstan oblysynan. Talapkerlerdiń eń azy Atyraý (2%), Soltústik Qazaqstan (2%) jáne Mańǵystaý (2%) oblystarynan.

Talapkerler tańdap alǵan fakýltetterdiń ishinde birinshi orynda Injenerııa mektebi - 38 % jýyq; Gýmanıtarlyq jáne áleýmettik ǵylymdar mektebi - 34 %; Ǵylym jáne tehnologııalar mektebi - 29 %. Ótken jeksenbi kúni, 3 aqpanda Astana jáne Almaty qalalarynda APTIS aǵylshyn tili bilim deńgeıin tekserý boıynsha birinshi emtıhan ótti.

2013 jyldyń naýryz aıynda Nazarbaev Ýnıversıteti ýnıversıtet aldyndaǵy daıyndyq baǵdarlamasyn oqytpaı, tikeleı bakalavrıat baǵdarlamasyna stýdentterdi qabyldaıtyn bolady. Osy talapkerlerdi oqýǵa qabyldaý erejeleri men onlaın-tirkeý ýnıversıtettiń saıtynda jarııalanady.

Sonymen qatar, qazirgi ýaqytta Nazarbaev Ýnıversıteti Joǵary Bıznes mektebiniń, Joǵary Memlekettik saıasat mektebi men Joǵary Bilim berý mektebiniń magıstrlik baǵdarlamalaryna talapkerlerdi qabyldap jatyr. Sondaı-aq osy baǵdarlamalar boıynsha memlekettik bilim berý granttary beriletin bolady.

Búgingi tańda Nazarbaev Ýnıversıtetinde 1500-ge jýyq stýdent bilim alyp jatyr. Ýnıversıtettiń alty mektebi bakalavrıat jáne magıstratýra baǵdarlamalary boıynsha akademııalyq baǵdarlamalardy usynady.