2012 jyly «Jumyspen qamtý-2020» baǵdarlamasynyń 7 myń qatysýshysy shaǵyn nesıeler alady
kesheni qarastyrylýda. QR Eńbek jáne halyqty áleýmettik qorǵaý mınıstrliginiń málimetinshe, 2012 jyly baǵdarlamanyń 7 myńdaı qatysýshysy shaǵyn nesıeler alady jep josparlanýda.
«Áleýmettik-ekonomıkalyq jańǵyrtý - Qazaqstan damýynyń basty baǵyty» atty Joldaýynda Elbasy N.Nazarbaev Jumyspen qamtý baǵdarlamasyn keń aýqymda júzege asyrýdy bastaý týraly mindet qoıdy.
Eńbek jáne halyqty áleýmettik qorǵaý mınıstrliginiń aqparatyna súıensek, baǵdarlamanyń ekinshi baǵytynda, ıaǵnı «Aýyldaǵy kásipkerlikti damytýdy qoldaý» boıynsha aǵymdaǵy jyly 6543 adam kásipkerlik negizderin tegin oqyp-úırenedi, ol úshin 343,4 mln. teńge qarjy qarastyrylǵan. Sonymen qatar, baǵdarlamanyń 6912 qatysýshysy 9 535,4 mln. teńge somanyń shaǵyn nesıelerin alatyn bolady.
Oǵan qosa, baǵdarlamanyń 1934 qatysýshysynyń jobalary boıynsha ınjenerlik-kommýnıkatsııalyq ınfraqurylymdardy damytýǵa 2 472,3 mln. teńge qarjy qarastyrylyp otyr.
Taǵy bir aıta ketetin jaıt, baǵdarlamanyń atalmysh baǵyty boıynsha tetikterdi ári qaraı jetildirý jónindegi birqatar sharalar qabyldanbaq. Atap aıtqanda, shaǵyn nesıelerdi tek aýyl turǵyndaryna ǵana emes, oblys ortalyǵy emes qalalardyń turǵyndaryna da berý usynylýda. Al oblys ortalyqtarynda, Astana jáne Almaty qalalarynda atalǵan qalalardyń aýmaǵyna kiretin aýyldyq eldi-mekenderdiń turǵyndaryn shaǵyn nesıelermen qamtý josparlanýda.
«Jumyspen qamtý-2020» baǵdarlamasyn jetildirý jónindegi atalǵan sharalar aýyl turǵyndarynyń ekonomıkalyq belsendiligin arttyrýǵa, olardyń tabys deńgeılerin kóterýge, sondaı-aq qarqyndy damýshy eńbek naryǵyn qurýǵa múmkindik beredi.