2012 jyly «Jumyspen qamtý-2020» baǵdarlamasyna 100 myńnan astam qazaqstandyq qatysady
ASTANA. 19 qańtar. QazAqparat - Halyqty eńbekpen qamtý QR Úkimetiniń jumysynyń basym baǵyty bolyp qalady. Elimizde jumyssyzdyq deńgeıiniń ósýine jol bermeı,
jańa jumys oryndaryn ashý úshin júıeli sharalar qolǵa alynýda, dep habarlady pm.kz saıty.
«Memleket basshysy «Nur Otan» HDP XIV sezinde, halyqqa arnaǵan Joldaýynda halyqty jumyspen qamtý máselesin eń basty másele etip anyqtady. Men oblys ákimderiniń nazaryn eń aldymen osy máselege aýdarǵym keledi», - dep málim etti Úkimet otyrysynda el Premer-Mınıstri Kárim Másimov.
Bárimiz biletindeı, 2011 jyldyń 1 shildesinen bastap, Qazaqstannyń barlyq aımaǵynda Elbasynyń tapsyrmasy boıynsha qolǵa alynǵan «Jumyspen qamtý-2020» baǵdarlamasy bastalǵan. 2011 jyldyń qorytyndysy boıynsha 56 myń qazaqstandyq atalmysh baǵdarlamanyń qatysýshysy boldy. Bul baǵdarlamanyń ereksheligi - adamdardy jumyspen qamtyp, qaıta oqytýmen qatar, Kárim Másimov bastaǵan el Úkimeti óz isin ashý úshin azamattarǵa shaǵyn nesıe usynady.
2011 jyly 56 myń qazaqstandyq «Jumyspen qamtý-2020» baǵdarlamasyna qatysýshy atandy. Taǵy bir jańalyq, bul ekonomıkalyq áleýeti tómen óńirlerden azamattardyń óz erkimen ekonomıkalyq belsendi ortalyqtarǵa kóshýi. Qonys aýdarýǵa sheshim qabyldaǵan qazaqstandyqtar úshin 10 aımaqta 847 jer úı men 64 kóp páterli turǵyn úıler salynýda.
«Jumyspen qamtý-2020» baǵdarlamasy boıynsha Qazaqstannyń 10 aımaǵynda 847 jer úı men 64 kóp páterli úı salynýda.
Kárim Másimovtiń tóraǵalyǵyndaǵy Mınıstrler kabıneti qabyldaǵan sharalardyń arqasynda jumyssyzdyq deńgeıi 2007 jylǵy 7,3 paıyz kórsetkishpen salystyrǵanda 2011 jyldyń jeltoqsanynda 5,4 paıyzdy qurady. Boljam boıynsha, 2012 jyly Jumyspen qamtý baǵdarlamasyna 100 myńnan astam qazaqstandyq qatysady.
Elbasynyń tapsyrmasyna sáıkes, Qazaqstan Úkimeti jumyssyzdyq deńgeıi kúrt ósip ketpeýi úshin jedel sharalardy qolǵa alǵan bolatyn. 2009-2010 jyldary respýblıkada Jol kartasy dep atalǵan aımaqtyq jumyspen qamtý jáne kadrlardy qaıta oqytý Strategııasy júzege asyryldy.
Bul baǵdarlama qazaqstandyqtarǵa jumysqa ornalasyp qana qoımaı, turǵyn-úı kommýnaldyq sharýashylyq jáne ınfraqurylymdaǵy birqatar túıitkildi máselelerdi sheshýge múmkindik berdi. Mysaly, 2009 jyly 486 sý jetkizý jáne kanalızatsııa nysany, 122 jylý berý nysany, 45 elektr jetkizý jáne 20 gaz jetkizý nysany jóndeýden ótip, eldi mekenderdi abattandyrý boıynsha 192 joba júzege asyryldy. 2010 jyly bul jumys jalǵasyn tapty.
Osylaısha, aımaqtyq jumyspen qamtý Strategııasynyń iske asýy arqasynda 2009 jyly 258,6 myń jumys orny, 2010 jyly 133 myń jumys orny ashyldy.
Elbasy jumyspen qamtý Strategııasynyń oıdaǵydaı júzege asyrylǵanyn atap ótti. 2010 jyly Qazaqstan halqyna arnaǵan Joldaýynda Memleket basshysy Nursultan Nazarbaev Jol kartasynyń tıimdi júzege asyrylǵanyn málim etti.
«Jumysyzdyq deńgeıi 6,3 paıyzdy qurady, bul daǵdarysqa deıingi ýaqytpen salystyrǵanda tómen kórsetkish. Jumyspen qamtý Strategııasynyń arqasynda elimizde 400 myńnan astam jumys orny quryldy», - dep málim etti Elbasy óziniń «Jańa onjyldyq - jańa ekonomıkalyq órleý - Qazaqstannyń jańa múmkindikteri atty» Qazaqstan halqyna arnaǵan joldaýynda.
«Ýaqyt úzeńgisinde» atty derekti fılmde álemdik sarapshylar men saıasatkerler jahandyq ekonomıkalyq daǵdarys kezinde Kárim Másimov tóraǵalyq etken Úkimet qazaqstandyqtardy jańa jumys oryndarymen qamtý boıynsha tıisti sharalardy qolǵa alǵanyn atap ótedi.
