2012 jyly jumys isteý úshin Qazaqstanǵa 22 myń sheteldik keldi
ASTANA. 11 aqpan. QazAqparat - Ótken jyly jumys isteý úshin Qazaqstanǵa 22 myń sheteldik keldi. Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Eńbek jáne halyqty áleýmettik qorǵaý mınıstri Serik Ábdenov málim etti.
Vedomstvo basshysy, elimizde 2 myńǵa jýyq kásiporyn atalǵan jumys kúshin paıdalanyp jatqandyǵyn atap ótti.
«Byltyr álemniń 100-den astam elinen 22 myń sheteldik jumysshylar tartyldy»,-dep naqtylap ótti mınıstr. Máselen, 2007-2008 jyldary bul kórsetkish 60 myńdy quraǵan eken.
S. Ábdenovtiń aıtýynsha, búginde sheteldik jumys kúshin tartý saıasaty birinshi kezekte qazaqstandyq qamtý máselesine negizdelip otyr.
