2012 jyly jalgerlik turǵyn úı qurylysyn salý jospary artyǵymen oryndaldy - N.Tıhonıýk
ASTANA. 9 qańtar. QazAqparat - Qazaqstanda 2012 jyly jospardaǵy 180 myń sharshy metrdiń ornyna 220 myń sharshy metr jalgerlik turǵyn úı salyndy. QR Premer-Mınıstri resmı saıtynyń habarlaýynsha, bul týraly búgin QR Qurylys jáne TKSh agenttigi tóraǵasynyń orynbasary Nıkolaı Tıhonıýk «Qazaqstannyń Turǵyn úı qurylys jınaq banki» AQ Ortalyq fılıalynyń ashylýyna arnalǵan baspasóz konferentsııasynda málim etken.
«2012 jyly jalgerlik turǵyn úı salý jospary artyǵymen oryndaldy, jospardaǵy 180 myń sharshy metrdiń ornyna 220 myń sharshy metr jalgerlik turǵyn úı salyndy, bul 4 myńnan astam áleýmettik jaǵynan qorǵalmaǵan qazaqstandyqqa jalgerlik úıdiń ıesi bolýǵa múmkindik beredi», - dedi N.Tıhonıýk.
Jalpy, josparlanǵan 6 mln. sharshy metrdiń ornyna 2012 jyly 6,5 mln. sharshy metr turǵyn úı salynǵan.
2013 jylǵa arnalǵan mindetterdiń arasynda QTKShA tóraǵasynyń orynbasary turǵyn úı qurylys jınaǵy jáne sońynan satylyp alynatyn jalgerlik turǵyn úı júıesin damytýdy, sonymen qatar 7 mln. sharshy metr turǵyn úı qurylysyn salýdy atady.
