2012 jyly turǵyn úı qurylysy jınaǵy júıesine 6 myńnan astam qazaqstandyq qatysty
ASTANA. 8 qarasha. QazAqparat - Qazaqstanda ústimizdegi jylǵy qańtardan qyrkúıekke deıingi ýaqyt aralyǵynda 6 myńnan astam adam turǵyn úı qurylysy jınaǵy júıesiniń salymshylary boldy,
dep habarlaıdy QR Premer-Mınıstriniń resmı saıty Qurylys jáne TKSh agenttiginiń baspasóz qyzmetine silteme jasap.
«2012 jylǵy qańtar-qyrkúıek aılarynda 6043 adamǵa jalpy somasy 22,2 mlrd. teńgeden astam turǵyn úı, aralyq jáne aldyn ala turǵyn úı zaımdary berildi», -delingen Agenttiktiń habarlamasynda.
Onyń ishinde «Qoljetimdi baspana-2020» baǵdarlamasy boıynsha 1758 qatysýshyǵa 5,8 mlrd teńge zaım berilgen, bul jalpy qatysýshylar sanynyń 29 paıyzdy quraıdy.
«Qazaqstannyń turǵyn úı qurylys jınaq banki» AQ óz jumysyn bastaǵan sátten beri 260 myńdaı qatysýshy jalpy jınaq somasy 110 mlrd teńge bolatyn turǵyn úı qurylys jınaǵyna kelisim shart jasasqan.
Sonymen qatar, baǵdarlama sheńberinde respýblıkada jaldamaly turǵyn úıdi josparly iske qosý júrgizilýde. 2012 jyldyń qańtar-qyrkúıek aılarynda paıdalanýǵa berilgen jalpy aýdany 46,9 myń sh.metr turǵyn úı, aýdany 39,2 myń sh. metr páter, josparly aýdany 136 myń sh. metr 699 páter satylyp alynǵan.
Esterińizge sala ketsek, «Qoljetimdi baspana - 2020» baǵdarlamasy Elbasynyń Qazaqstan halqyny arnaǵan «Áleýmettik-ekonomıkalyq jańǵyrtý - Qazaqstan damýynyń basty baǵyty» Joldaýynda aıtylǵan tapsyrmalar negizinde júzege asyrylýda. Bul baǵdarlama turǵyn úı qurylysyn memlekettik qoldaýdyń sharalar keshenin qarastyrady jáne onyń basty maqsaty azamattardy qoljetimdi baspanamen qamtamasyz etý bolyp tabylady. Baǵdarlamaǵa saı, 2012-2020 jyldary 69,05 mln sh. metr turǵyn úıdi iske qosý josparlanýda.
