2012 jyly teńgeniń AQSh dollaryna baǵamy 147,50-150,86 teńge aralyǵynda aýytqydy - Ulttyq bank
ALMATY. 9 qańtar. QazAqparat - Búgin Almatyda ótken baspasóz máslıhatynda QR Ulttyq bankiniń tóraǵasy Grıgorıı Marchenko Qazaqstanda valıýta naryǵyndaǵy ahýal tórt jyl boıy turaqty bolyp kele jatqandyǵyn atap ótti.
«2012 jyly Qazaqstan qor bırjasyndaǵy bırjalyq saýda-sattyq kólem onyń aldyńǵy jylmen salystyrǵanda 21,6 paıyzǵa tómendep, 55,4 mlrd. dollar boldy. Operatsııalardyń eń az kólemi qańtarda, eń kóbi tamyzda baıqaldy. Bırjadan tys valıýta naryǵyndaǵy operatsııalardyń kólemi 2011 jylmen salystyrǵanda 31,2 paızǵa tómendep, 26,9 mlrd. dollardy qurady. Operatsııalardyń eń az kólemi naýryzda, eń kóbi jeltoqsanda baıqaldy», - deıdi Grıgorıı Marchenko.
Ulttyq bank tóraǵasynyń aıtýynsha, 2012 jyly teńgeniń AQSh dollaryna qatysty bırjalyq baǵamy 1 dollar úshin 147,50-150,86 teńge aýqymynda ózgerdi. Teńgeniń dollarǵa qatysty aıyrbastaý baǵamy nomınaldy kóriniste 1,6 paıyzǵa álsiredi jáne jyldyń aıaǵynda 1 dollar úshin 150,74 teńge boldy. Tutastaı alǵanda ishki valıýta naryǵyndaǵy saýda-sattyq kólemi 2011 jylmen salystyrǵanda 25 paıyzǵa tómendep, 82,3 mlrd. dollardy qurady.
