2012 jyly tehnıkalyq jáne kásiptik bilim berý júıesi jappaı jańǵyrtyla bastaıdy
ASTANA. 3 aqpan. QazAqparat. 2012 jyldyń negizgi mindeti TjKB jańǵyrtý jobasyn nátıjeli júzege asyrý, Ulttyq biliktilik júıesin qurý bolyp tabylady,
dep habarlady QR Bilim jáne ǵylym mınıstrligi Tehnıkalyq jáne kásiptik bilim departamentiniń dırektory Qadyrbek Bóribekov Pm.kz saıtyna bergen arnaıy suhbatynda.
«2012 jyldyń negizgi mindeti Dúnıejúzilik bankten alynǵan zaımnyń esebinen TjKB júıesin jańǵyrtý jobasyn nátıjeli júzege asyrýdy qamtamasyz etý, Ulttyq biliktilik júıesin qurý, sondaı-aq bilim berý júıesine kásiptik standarttar engizý bolyp tabylady», - dedi Qadyrbek Bóribekov.
Bul protsedýralarǵa jumys berýshiler, ÚEU ókilderi jáne ulttyq biliktilik qurylymdaryn jasaýda tájirıbeleri bar halyqaralyq sarapshylar tartylatyn bolady.
Aıta ketý kerek, aǵymdaǵy jyly TjKB oqý oryndary týraly jańa ereje qabyldanady, sebebi 2011 jyly «Bilim berý týraly» Zańǵa atalmysh oqý mekemelerin biryńǵaı tıpke - kolledjderge aýystyrý týraly ózgertý engizildi. Bul protsess aǵymdaǵy jyly qolǵa alynbaq.
Q.Bóribekovtiń aıtýynsha, TjKB uıymdarynda basqarý júıesin jańǵyrtý jáne jan basy boıynsha qarjylandyrý júıesin Pavlodar men Aqmola oblystaryndaǵy oqý oryndarynda ilki rejımde synaqtan ótkizý qarastyrylǵan.
Oǵan qosa,oqý mekemeleriniń menedjerleri men oqytýshylaryn daıyndaý jáne biliktiligin arttyrýdyń kómegimen oqý oryndaryn qoldaý jáne ár mamandyq boıynsha 350 myń dollar kóleminde 68 oqý mekemesine grant berý túrinde materıaldyq-tehnıkalaryn bazalardy jaqsartý jónindegi sharalar josparlanyp otyr.
Tehnıkalyq jáne kásiptik bilim berý uıymdarynyń jelisi 2011 jyly 896 birlikti qurady, bir jyldyń ishinde 14 oqý ornyna kóbeıdi. Onda 609 myń adam oqýda.
