2012 jyly tabıǵı apattar saldarynan álemde 9,5 myń adam qaza boldy
ASTANA. 6 qańtar. QazAqparat - Tabıǵı apattar ótken jyly 9,5 myń adamnyń ómirin qıyp ketti jáne 160 mlrd. dollar kóleminde zalal keltirdi, dep habarlady RBK.
Mundaı málimetter nemistiń Munich Re saqtandyrý kompanııasynyń zertteýinde keltirilgen.
Zertteý málimetterine sáıkes zalaldyń jalpy kóleminiń úshten eki bóligi AQSh úlesine tıedi. «Sendı» daýyly myńdaǵan adamdardy úı-kúısiz qaldyryp, 50 mlrd. dollar shyǵyn ákeldi.
Degenmen, qurbandar sany boıynsha bıylǵy jylǵy eń kúshti tabıǵat apaty Fılıppınde boldy, onda «Bofa» taıfýny myńnan astam adamdardyń ómirin alyp ketti.
Munich Re málimetteri boıynsha, ótken jylǵy zalal 2011 jylǵa qaraǵanda edáýir az boldy, burnaǵy jyly ol 400 mlrd. dollardy quraǵan bolatyn. Sondaı-aq qurbandar sany da edáýir azaıdy. 2011 jyly 27 myń adam qazaǵa ushyraǵan edi. Sol jyly Japonııa men Jańa Zelandııada bolǵan zilzalalardaǵy qurbandar sany men qıratýlar aýqymy jóninen asa kóp bolǵan edi.
