2012 jyly sot júıesin jańǵyrtý sharalary júrgiziledi
ASTANA. 30 qańtar. QazAqparat - Elbasy Joldaýynda anyqtalǵan baǵyttyń biri sot jáne quqyq qorǵaý júıelerin jańǵyrtý bolyp tabylady.
El Prezıdenti sot júıesin jańǵyrtý, qylmyspen jáne jemqorlyqpen kúresti kúsheıtý jónindegi mindet qoıdy, dep habarlaıdy pm.kz saıty.
«Sýdıalar jasaǵyn qalyptastyrýdyń tártibin túbegeıli túrde qaıta qaraý qajet... Bıyl jańa Qylmystyq is júrgizý kodeksin, jeke detektıvtik qyzmet týraly zań jobasyn daıyndaýdy aıaqtaý qajet. Mańyzdy másele - quqyq qorǵaý jáne arnaýly organdardy sapaly kadrlyq jańartý», - dep málim etti Elbasy óz Joldaýynda.
2012 jyly quqyq qorǵaý jáne arnaıy organdardyń búkil jeke quramyn qaıta attestattaýdan ótkiziledi, Birtutas ekonomıkalyq keńistikte transulttyq uıymdasqan qylmyspen kúresti kúsheıtý úshin Interpol úlgisimen Eýrazpol - Eýrazııa polıtsııasyn qurý jónindegi usynys ázirlenedi.
Oǵan qosa, QR Prezıdenti Úkimetke Sybaılas jemqorlyqqa qarsy keshendi baǵdarlama daıyndap, usynýdy tapsyrdy.
Esterińizge sala keteıik, 27 qańtarda Elbasy Nursultan Nazarbaev elimizdiń 2012 jylǵy damý basymdyqtary anyqtalǵan «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna Joldaýyn jasady.
