2012 jyly respýblıkada gaz óndirý 40,1 mlrd. tekshe metrdi qurady

Taratylǵan málimetterge qaraǵanda, taýarlyq gazdy óndirý kólemi 21,7 mlrd. tekshe metr boldy (2011 j. qaraǵanda 100%). Sonymen qatar respýblıka oblystarynyń tabıǵı gazdy tutyný kólemi 10,5 mlrd. tekshe metrge jetti (2011j. qaraǵanda 103,2%).

2006 jylǵy 27 jeltoqsandaǵy «Gazprom» AAQ, «Ýzbekneftegaz» NHK jáne QMG arasyndaǵy Gazdyń qarsy jetkizilimderi týraly kelisimge sáıkes gazdyń barlyq ımporty teń baǵa men teń kólemder boıynsha Qarashyǵanaq eksportymen «svoptalady». Respýblıkanyń gaz eksportynyń kólemi 8,5 mlrd. tekshe metrdi qurady (2011 j. qaraǵanda 103,7%). Aıta keteıik, elimiz aýmaǵy arqyly 96,5 mlrd. tekshe metr (100%) kóleminde gaz tranzıti júzege asyryldy.

2,2 mln. tonna suıytylǵan kómirsýtegi gazy (103,1%) óndirildi.

Jer qoınaýyn paıdalanýshylardyń gazdy kádege jaratý jónindegi baǵdarlamalaryn iske asyrý barysynda, gaz alaýlarynda jaǵylatyn gaz kólemi 1,0 mlrd. tekshe m. qurady, ótken jyldyń uqsas merzimimen salystyrǵanda 83,2% qurady.