2012 jyly ótetin «Azııa balalary - 2012» V Halyqaralyq sport oıyndaryna daıyndyqty bastaýǵa bolady - Sahanyń vıtse-prezıdenti D.Glýshko
ASTANA. 31 qańtar. QazAqparat /Arman Asqarov/ - 2012 jyly Reseı Federatsııasynyń quramyndaǵy Saha (ıAkýtııa) Respýblıkasynda ótetin «Azııa balalary - 2012» V Halyqaralyq sport oıyndaryna daıyndyqty bastaýǵa bolady. Bul týraly búgin ótken baspasóz máslıhatynda 7-qysqy Azııa oıyndarynyń qonaǵy, Saha Respýblıkasynyń vıtse-prezıdenti Dmıtrıı Glýshko málim etti.
Onyń habarlaýynsha, búgingi tańda «Azııa balalary - 2012» V Halyqaralyq sport oıyndarynyń erejesi bekitildi. «Sondyqtan Azııa qurlyǵynyń barlyq sport mınıstrlikteri, federatsııalary men komıtetteri «Azııa balalary - 2012» V Halyqaralyq sport oıyndaryn ózderiniń kúntizbesine engizip, daıyndyq jumystaryn bastasa bolady», - deıdi D.Glýshko. Sahanyń vıtse-prezıdenti atap kórsetkendeı, bekitilgen erejege sáıkes qatysýshy eldiń komandasy 70 adamnan turýy tıis. «Al voleıbol, basketbol men fýtbol oıyndary boıynsha komandalar bólek jasaqtalady», - dep atap kórsetti ol.
Aıta keteıik, «Azııa balalary» Halyqaralyq sport oıyndary alǵash ret 1996 jyly uıymdastyrylǵan bolatyn. Oıyndar Saha Respýblıkasynyń ıAkýtsk, Mırnyı jáne Nerıýngrı qalalarynda 2012 jyly sheldeniń 4-16 aralyǵynda sporttyń 20 túri boıynsha ótpek. Oıyndarǵa alǵash ret estý qabileti tómen múgedek sportshylar arasyndaǵy erkin kúres, sambo jáne sýda júzý jarystary engizilip otyr.
