2012 jyly negizgi kapıtalǵa salynǵan ınvestıtsııalar kólemi 5455 mlrd. teńgeni qurady - Statıstıka agenttigi
ASTANA. 15 qańtar. QazAqparat - Qysqa merzimdi ekonomıkalyq ındıkator 2012 jylǵy qańtar-jeltoqsanda 2011 jylǵy qańtar-jeltoqsanǵa qaraǵanda 102,1% qurdy. Bul týraly búgin QR Statıstıka agenttiginiń tóraǵasy Álıhan Smaıylov Qazaqstan Respýblıkasynyń 2012 jylǵy qańtar-jeltoqsandaǵy áleýmettik-ekonomıkalyq damýynyń qysqasha qorytyndylaryna arnalǵan brıfıngte málimdedi.
Onyń aıtýynsha, qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-ń 67-68%-yn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.
Agenttik tóraǵasy bergen málimetterge qaraǵanda, 2012 jylǵy qańtar-jeltoqsanda negizgi kapıtalǵa salynǵan ınvestıtsııalar kólemi 5455 mlrd. teńgeni quraǵan, bul ótken jylǵy sáıkes kezeńge qaraǵanda 3,8% artyq bolyp otyr.
