2012 jyly memleketke keltirilgen 434 mlrd. teńge shamasyndaǵy zalaldyń joly kesildi - Bas prokýror
ASTANA. 21 jeltoqsan. QazAqparat 2012 jyly prokýrorlarmen qabyldanǵan sharalardyń arqasynda memleketke 123 mlrd. teńge qaıtarylyp, 434 mlrd. teńge shamasyndaǵy memleketke keltirilýi múmkin zalaldyń jolyn kesildi.
Bul týraly búgin aǵymdaǵy jyldy qorytyndylaýǵa arnalǵan keńeıtilgen alqa otyrysynda QR Bas Prokýrory Ashat Daýylbaev málim etti.
«Atqarýshylyq óndiriste bıýdjetke naqty qaıtarylǵan somanyń ózi 19 mlrd. teńgeni quraıdy. Prokýratýra tekseristeriniń nátıjesinde memleketke shamamen 16 myń gektardy quraıtyn 100-ge tarta jer ýchaskeleri qaıtaryldy. Bulardyń kadastrlyq quny 215 mıllıard teńge shamasynda bolyp otyr», - deıdi Ashat Daýylbaev.
Onyń aıtýyna qaraǵanda, 2012 jyly prokýratýra organdarymen zańsyz sot aktilerine narazylyq bildirý jolymen 33,5 mlrd. teńgeni quraıtyn azamattyq jáne ákimshilik ister boıynsha memlekettiń materıaldyq múddeleri qorǵalǵan.
