2012 jyly mektepke deıingi tárbıemen balalardyń 65,4 paıyzy qamtyldy - B.Jumaǵulov
ASTANA. 18 maýsym. QazAqparat - 2012 jyly mektepke deıingi tárbıemen 587,8 myń bala qamtylyp otyr, bul mektep jasyna deıingi barlyq balalardyń 65,4 paıyzy.
Bul týraly búgin Májiliste ótken Úkimet saǵatynda Bilim jáne ǵylym mınıstri Baqytjan Jumaǵulov málim etti.
Mınıstrdiń aıtýynsha, «Balapan» baǵdarlamasy aıasynda mektepke deıingi bilim berý uıymdarynyń 3,5 myń birlikke ósip, 3528-di qurady.
«Mektepke deıingi tárbıemen qamtý deńgeıi 2009 jyly 36,2 paıyzdy qurasa, 2012 jyly bul kórsetkish 65,4 paıyzǵa nemese 587,8 myń balaǵa jetip otyr. Jan basyna qarjylandyrýdy engizý jekemenshik mektepke deıingi uıymdar sanynyń artýyna yqpal etti. Olar 289 birlikke ósip, 499-dy qurady», - dedi B. Jumaǵulov.
Onyń aıtýynsha, 2015 jyly mektepke deıingi tárbıemen balalardyń 74 paıyzy, al 2020 jyly 100 paıyzy qamtylatyn bolady.
