2012 jyly qurylystaǵy baǵa 4,6 paıyzǵa ósti
ASTANA. 8 qańtar. QazAqparat - 2012 jyly qurylystaǵy baǵa 4,6 paıyzǵa ósti, dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, metall konstrýktsııalary jáne konstrýktsııa bólshekteriniń baǵasy bir jyl ishinde 3,6, taýarly beton - 5,5, syrlar men emaldardyń - 2,8, ǵanyshtyń - 2,7, ǵanysh kartonnyń - 2,4, tabaqty shyny - 2, lınoleým - 0,8, symdar men kabelder - 0,5 paıyzǵa ósti.
Jaıma bolattyń baǵasy 3,9, qyshtan, betonnan jáne tsementten jasalǵan qubyrlardyń baǵasy 1,9, plastmassadan jasalǵan esikter men qoraptardyń - 1,8, qaptama qysh kirpishterdiń - 1,6 paıyzǵa tómendedi.
