2012 jyly qazaqstandyqtardyń tutyný taýarlaryna suranysy ózgerip otyr
ALMATY. 28 qańtar. QazAqparat - «Hoým Kredıt Bank» AQ qazaqstandyqtardyń 2012 jyldaǵy tutynýshylyq nesıelerge suranysyn zertteýdiń qorytyndylaryn jarııalady.
Byltyr qolma-qol nesıelerdiń orta somasy 2011 jylmen salystyrǵanda, 20,3 paıyzǵa ósip, 219 myń teńgeden asqan. Al POS nesıe berý arnasyndaǵy jyl boıynsha orta soma 1/3 ósip, 116 myń teńgeden artqan. Nesıe berýdiń orta merzimi barlyq arnalarda 1 aıǵa uzardy. Qazaqstandyqtardyń kópshilik qoldy tutyný taýarlaryna da suranysy ózgerdi. 2012 jyldyń jetekshiler úshtiginde azaıý boıynsha teledıdarlar, noýtbýkter men uıaly telefondar. Sonymen qatar 2011 jyly atalǵan tizimde uıaly telefondar, teledıdarlar men tońazytqyshtar bolatyn. Aımaqtyq turǵyda suranystyń aýdıo jáne beınetehnıkaǵa aýysýy 16 aımaqtan altaýynda baıqaldy. Almatyda 2011 jyly jıhazǵa eń kóp suranys bolsa, 2012 jyly onyń ornyn aýdıo jáne beınetehnıka aldy. Astana qalasy men Qaraǵandy, Pavlodar jáne Ońtústik Qazaqstan oblystarynda suranys turmystyq tehnıkadan aýdıo jáne beınetehnıkaǵa aýysty. Aqtóbe oblysynda uıaly telefondarǵa burynǵydaı suranys bar, basqa oblystarda turmystyq tehnıka taýarlaryna suranys ózgerissiz qaldy.
