2012 jyly qazaqstandyq ǵylymdy damytýǵa 42 mlrd. teńge bólý josparlanyp otyr - B.Jumaǵulov
TANA. 24 qarasha. QazAqparat /Gúlmıra Alıakparova/ - 2012 jyly Qazaqstanda ǵylymdy damytýǵa 42 mlrd. teńge bólý josparlanyp otyr. Bul týraly búgin dıplomatııalyq mıssııalar, halyqaralyq uıymdar jáne bıznes-qurylym ókilderimen keńes ótkizgen QR Bilim jáne ǵylym mınıstri Baqytjan Jumaǵulov málim etti.
Mınıstr atap kórsetkendeı, Qazaqstannyń ǵylymynda aýqymdy ózgerister jasaldy. El Prezıdenti N.Nazarbaevtyń ǵylym salasyn basqarýdyń jańa úlgisi zańnamalyq túrde bekitildi. Onda eki baǵyt aıqyndalǵan. Birinshiden, zertteýler men olardy qarjylandyrý týraly sheshimderdi qabydaýǵa ǵalymdardyń ózderin tartý qarastyrylǵan. Ekinshiden, ǵylymdy qarjylandyrýdyń - bazalyq jáne granttyq - jańa tetikteri engizildi.
«Jalpy alǵanda ǵylymdy qarjylandyrý kólemi aıtarlyqtaı artyp keledi. Máselen, 2011 jyly ol 29 mlrd. teńgeni qurasa, 2012 jylǵa 42 mlrd. teńge (ósim 46 paıyz) bólý kózdelip otyr», - dedi B.Jumaǵulov.
Sondaı-aq vedomstvo basshysy atap kórsetkendeı, Elbasynyń tapsyrmasy boıynsha BǴM álemdik ǵylymı aqparattyq resýrstarǵa qoljetimdikti qamtamasyz etetin Thomson Reuters (AQSh) kompanııasynyń Ulttyq lıtsenzııasyna qol qoıdy.
«Bul qazaqstandyq ǵylym deńgeıin kóterý úshin asa mańyzdy. Taǵy bir mańyzdy baǵyt - Qazaqstan Memlekettik údemeli ındýstrıaldy-ınnovatsııalyq baǵdarlamany júzege asyra bastaýy. Sondyqtan, endi bizdiń ǵylym jetistikterdi is júzinde iske asyrýǵa, ınnovatsııalardy damytýǵa baǵdarlanyp otyr. Búginde ondaǵan ınnovatsııalyq joba iriktep alyndy. Elde ǵylymı zertteýlerdiń nátıjesin qarjylandyratyn ortalyqtar ashyldy», - dep túıindedi mınıstr.
