2012 jyly qazaqstandyq bilim berý júıesin jańǵyrtý jumysy jalǵasady
ASTANA. 28 qańtar. QazAqparat - Memleket basshysy Nursultan Nazarbaev elimizdiń 2012 jylǵy damýynyń on negizgi baǵytyn anyqtap berdi.
Basymdyqty máselelerdiń qatarynda bilim berý júıesin jalǵastyrý mindeti bar. Prezıdent Úkimetke biliktilikti bekitýdiń táýelsiz júıesin qurýdy, mektep oqýshylarynyń fýnktsııalyq saýattylyǵyn damytý jónindegi is-qımyldardyń ulttyq josparyn qabyldaýdy mindettedi jáne bilim berý salasyndaǵy taǵy birqatar mindetti anyqtap berdi, dep habarlady pm.kz saıty.
«Bıylǵy Joldaý Úkimettiń jáne memlekettik organdardyń aldyna jańa baǵyt-baǵdarlar qoıyp otyr - bul jahandyq mazmundaǵy qujat. 2012 jylǵa naqty maqsattar men basymdyqtar qoıyldy. Bizge - bilim berýdi sapalyq turǵyda arttyrý mindeti júktelip otyr», - dep atap kórsetti bilim jáne ǵylym mınıstri Baqytjan Jumaǵulov búgin Almatydaǵy joǵary oqý oryndarynyń stýdentterimen jáne pedagogtarymen bolǵan kezdesýde.
2012 jyly qazaqstandyq bilim berý júıesin jańǵyrtý isi jalǵasady. Memleket basshysy óz Joldaýynda oqytý úderisine qazirgi zamanǵy ádistemeler men tehnologııalardy engizý týraly tapsyrma berdi.
«Búginde halyqaralyq standarttar negizinde Nazarbaev Ýnıversıteti men Zııatkerlik mektepter tabysty jumys isteýde. Kásiptik-tehnıkalyq bilim berýdiń ozyq mekemeleriniń jelisi damyp keledi. Olardyń tájirıbesin búkil qazaqstandyq bilim berý júıesine taratyp, barlyq bilim berý mekemelerin solardyń deńgeıine tartý qajet», - dedi Elbasy óz Joldaýynda.
Pedagogtar quramynyń sapasyn arttyrýdyń mańyzy zor. Arqaýlyq pedagogtik bilim berýdiń úlgi-qalyptaryn, mektepter men jobalar oqytýshylarynyń biliktiligin arttyrýǵa talaptardy kúsheıtý qajet. Ár óńirde pedagogtardyń biliktiligin arttyratyn ıntegratsııalanǵan ortalyqtar jumys isteýi tıis.
Elbasy sondaı-aq biliktilikti bekitýdiń táýelsiz júıesin qurý týraly mindet qoıdy. Jáne Úkimetke ústimizdegi jyly qanatqaqty rejimde salalyq assotsıatsııalar arqaýynda 1-2 salada táýelsiz Biliktilikti bekitý ortalyqtaryn qurýdy tapsyrdy.
Memlekettik-jekemenshik áriptestigi, aýyldyq jerlerden jáne az qamtamasyz etilgen otbasylardan shyqqan jastardyń jol júrýi men ómir súrýin sýbsıdııalaý, jataqhanalar jelisin damytý tetikteri arqyly bilim berýdiń qoljetimdiligin keńeıtý, jumys isteıtin jastar úshin jumystan qol úzbeı arnaýly bilim alý múmkindigin qamtamasyz etý - Elbasynyń Úkimettiń aldyna qoıǵan taǵy bir mańyzdy mindeti.
2012 jyly Úkimet mektep oqýshylarynyń fýnktsııalyq saýattylyǵyn damytý jóninen besjyldyq Ulttyq is-qımyldar josparyn qabyldaıdy.
«Bizdiń elimiz aldaǵy birneshe jylǵa jasaǵan sarabdal strategııalmen óz damýynyń jańa kezeńine aıaq basyp otyr. Elimizdiń barlyq halqy azamattarymyzdyń turmys sapasyn jaqsartýǵa baǵyttalǵan damý mindetterin naqty túsinip otyr. Elbasy aldymyzǵa qoıyp otyrǵan mindetterdi juzege asyrýǵa barlyǵymyz kúsh salamyz dep senemin», dep túıindedi óz sózin mınıstri Baqytjan Jumaǵulov búgin almatylyq oqý oryndarynyń stýdentterimen jáne oqytýshylarymen bolǵan kezdesýde.
