2012 jyly Qazaqstanda tranzıttik taýarlar táýekelin basqarý júıesi iske qosylady

Bul týraly búgin elordada ótip jatqan úshkúndik «TMD elderiniń kedendik ákimshilikteri úshin táýekelderdi basqarý» taqyrybyndaǵy konferentsııa barysynda Qarjy mınıstrliginiń Kedendik baqylaý komıteti tóraǵasynyń orynbasary Nurjan Ashıhanov málim etti

Elimizdiń keden organdarynda táýekelderdi basqarý júıelerin egjeı-tegjeıli qoldanýdy aıqyndaıtyn naqty birqatar normatıvtik qujattar qabyldanǵanyn atap ótken ol: «QR-da táýekelderi basqarý júıesinde júrgizilgen jumystardyń nátıjesinde taýarlardy tekserý barysynda táýekelderdi basqarý júıesin qoldaný úderisin avtomattandyrý júrgizildi, 10356 taýar pozıtsııasyn qamtıtyn táýekeldiń 1023 beıini ázirlenip, engizildi», - dedi ol.

Sonymen qatar onyń atap ótýinshe, Qazaqstan tranzıttik memleket bolyp tabylady. Sondyqtan el Úkimetiniń basym baǵyttarynyń biri tranzıttik aǵyndardy barynsha keńeıtý bolyp otyr. Bul óz kezeginde tranzıttik taýarlardyń táýekelin basqarý júıesin qoldaný joly arqyly shekaradaǵy ótkizý beketteriniń kedendik ákimshileýin jaqsarta túspek. «Bul mindet eldiń kedendik organdarymen 2012 jyly júzege asyrylýy qajet», - dedi tóraǵa orynbasary.