2012 jyly Qazaqstan ekonomıkasynyń ósimi 6 paıyz deńgeıinde boljanady - Ekonomıka mınıstri
bıýdjet týraly» QR zańyna ózgerister men tolyqtyrýlar engizý týraly» zań jobasyn talqylaý barysynda Ekonomıkalyq damý jáne saýda mınıstri Baqytjan Saǵyntaev osylaı málim etti.
Mınıstrdiń aıtýynsha, atalǵan kórsetkish 2011 jylǵy tamyz aıynda bekitilgen boljamnan 0,9 paıyzǵa tómen. Este bolsa byltyrǵy jyly bıýdjetti naqtylaý barysynda el ekonomıkasynyń 2012 jylǵy ósimi 6,9 paıyzǵa bekitilgen bolatyn.
«Ótken jyldyń esepti bazasynyń jáne jalpy ishki ónim deflıatorynyń 8,1 paıyzǵa aýytqýy sebepterinen jalpy ishki ónimniń nomınaldy máni budan buryn boljanǵan deńgeıden birshama joǵary bolatyny boljanady. Jalpy ishki ónimniń naqty ósiminiń ózgerýi birqatar faktorlarmen túsindiriledi. Onyń ishinde munaı óndirisiniń boljanǵan tómendeýi buǵan áser etedi. Odan bólek, aýyl sharýashylyǵynyń ónimi de birshama tómendeýi kútiledi. Bul negizinen byltyrǵy jylǵy bazanyń tym joǵary bolýyna baılanysty. Úshinshiden, buryn boljanǵan deńgeımen salystyrǵanda óńdeý ónerkásibindegi jeke salalar boıynsha ósý parametrleriniń tómendeýi de boljanady. Bul Taıaý Shyǵys memleketteriniń jaǵdaıymen baılanysty», - deıdi mınıstr.