2012 jyly Qazaqstan «Doing Business 2013» reıtınginde óz ustanymdaryn 7 tarmaqqa jaqsartty
ASTANA. 23 qazan. QazAqparat - Bıylǵy jyly Dúnıejúzilik bank «Doing Business» (bıznesti júrgizýdiń jeńildigin aıqyndaıtyn reıtıng) reıtıngisiniń 10 ındıkatory boıynsha 185 eldiń bıznes ahýalynyń jaǵdaıyn baǵalady.
Jyl saıyn ózgerip otyratyn esepteý ádistemesi boıynsha Qazaqstan 2012 jyly «Doing Business» reıtıngisinde óz ustanymyn 7 tarmaqqa jaqsartyp (2011 jyly 2013 jylǵy baǵalaý ádisi boıynsha Qazaqstan 56 orynda bolatyn), 49 orynǵa kóterildi. Bul týraly QR Ekonomıkalyq damý jáne saýda mınıstrligi habarlady.
Dúnıejúzilik banktiń esebine sáıkes (http://russian.doingbusiness.org ) Qazaqstan bıyl taǵy da Qytaı (91 oryn), Túrkııa (71 oryn), Polsha (55 oryn), Reseı (112 oryn), Belarýs (58 oryn), Qyrǵyzstan (70 oryn) sııaqty elderdi artqa qaldyrdy.
Budan basqa, bıylǵy jyly Qazaqstan sońǵy jyldary bıznesti júrgizýdi eleýli túrde jaqsartqan elderdiń tizimine endi.
«Kásiporyndardy tirkeý» sııaqty ındıkator boıynsha Qazaqstan 30 ustanymǵa (55-ten 25-ke) kóterilgen, buǵan kásiporyn qurý rásimderin jeńildetý jáne tirkelgennen keıingi úsh aı ishinde eń az kapıtal tóleý týraly talaptyń joıylýy sebepshi bolyp otyr.
«Tólem qabiletsizdigine ruqsat» ındıkatory boıynsha (55 oryn) ońaltý isin jedeldetip qaraýdy engizý, ońaltý merzimin uzartý, tórelik basqarýshylardyń ókilettikterin keńeıtý jáne olarǵa qoıylatyn biliktilik talaptaryn arttyrý boıynsha reformalar júrgizildi. Sondaı-aq, bankrotqa ushyraý, kredıtorlar quqyqtaryn keńeıtý, operatsııalardy jalǵastyrýmen baılanysty erejelerdi ózgertý, ońaltý josparyn qabyldaý úshin merzimdi engizý jáne sot qadaǵalaýynyń talaptaryn qosý jóninde derekterdi usyný talaptary ózgertildi.
«Kredıt alý» ındıkatory boıynsha Qazaqstan pozıtsııasynyń edáýir ulǵaıǵany baıqalýda (97-den 83-ke). Avtomatty túrde ońaltý rásimderinde bolýdan bosatý úshin jańa negizdemeler engizý esebinen qamtamasyz etilgen kredıtorlardyń quqyqtary nyǵaıtyldy.
Aǵymdaǵy jyly reformalardy júrgizý jalǵasty jáne 2012 jylǵy Dúnıejúzilik banktiń «Doing Business» reıtıngisiniń ındıkatorlaryn jaqsartý jónindegi sharalardyń keshendi josparyna sáıkes júzege asyrylady.
