2012 jyly «Qazaqsha Vıkıpedıa» redaktorlarynyń sanyn myń adamǵa deıin kóbeıtý josparlanýda
ASTANA. 17 jeltoqsan. QazAqparat - «Qazaqsha Vıkıpedıa» jobasy 2012 jyly belsendi redaktorlar sanyn myń adamǵa deıin ulǵaıtýdy josparlaýda.
Bul týraly «WikiBilim» qoǵamdyq qorynyń jetekshisi Raýan Kenjehanuly rm.kz saıtyna bergen suhbatynda aıtty.
«Bizdiń jobamyzǵa barlyq deńgeıde nazar aýdartýǵa tyrysýdamyz. Qazaq tili úshin qýanatyn, bizdiń jobamyzdy tanymal etýge óz úlesin qosýǵa tyrysatyn adamdardyń arqasynda jobanyń sapasy artyp keledi jáne qoǵamnyń senimine ıe», - dedi ol.
Sonymen qatar jobaǵa qoǵamdy tartý maqsatynda Wiki-baıqaýy ótkizilip jatqanyn atap ótken R.Kenjehanuly: «Baıqaý «Qazaqsha Vıkıpedıaǵa» maqala jazatyn adamdar arasynda ótkiziledi. Alǵashqy 100 maqala jarııalaǵan 100 avtor noýtbýkke ıe bolady. Qazaqstan táýelsizidiginiń 20 jyldyǵy kúnine oraı úzdik maqalaǵa baıqaý uıymdastyryldy. Materıaly úzdik tanylǵan avtorlar uıaly telefonǵa ıe bolady», - deıdi.
Osy sharalardyń arqasynda 2012 jyly belsendi redaktorlardyń sanyn 1000 adamǵa deıin kóbeıtý josparlanyp otyr.
Joba jetekshisiniń atap ótýinshe, «Qazaqsha Vıkıpedıany» damytýdaǵy Úkimettiń qoldaý zor mańyzǵa ıe. Óıtkeni materıaldardyń basym bóligi kitap túrinde jarııalanady. Qazaq tilinde jarııalanatyn entsıklopedııalardyń, kórkem jáne ǵylymı kitaptardyń basym bóligi memlekettik tapsyrys.
Aıta keteıik, tamyzdyń 4-i men 7-si aralyǵynda Izraıldiń Haıfa qalasynda ótken «Wikimania-2011» konferentsııasynyń qorytyndysy boıynsha Qazaqstandyq «WikiBilim» qory «2011 jyldyń ǵalamdyq vıkıpedıashysy» ataǵyn ıelenip (Global Wikipedian of the Year), Vıkıpedıanyń negizin qalaýshy Djımmı Ýeılstiń (Jimmy Wales) arnaıy grantyn jeńip aldy. Qazaqsha Vıkıpedıa» jobasyndaǵy maqalalardyń sany 117 myńǵa jetti. Joba Úkimet pen el Premer-Mınıstri Kárim Másimovtyń qoldaýyna ıe.
