2012 jyly Qarjy polıtsııasy qyzmetkerlerine qatysty para alý faktisi boıynsha 7 qylmystyq is qozǵaldy
ASTANA. 25 jeltoqsan. QazAqparat - Agenttiktiń óz qatarlaryn laıyqsyz qyzmetkerlerden tazartý jáne olardyń jasaǵan qylmystaryn ashý boıynsha jumysynyń júıeli jáne ilgerileýshilik sıpatqa ıe boldy.
Bul týraly Qarjy polıtsııasy agenttigi janyndaǵy Sybaılas jemqorlyqqa jáne kóleńkeli ekonomıkaǵa qarsy kúres boıynsha qoǵamdyq keńeste Іshki qaýipsizdik qyzmeti basqarmasynyń bastyǵy Nyǵmetjan Saparov málim etti.
Aýmaqtyq bólimshelerdiń ishki qaýipsizdik bólimderiniń mártebesi olardy Agenttikke tikeleı baǵyndyrý arqyly joǵarylatyldy.
Qabyldaǵan sharalardyń arqasynda Agenttik kúshimen 16 qyzmetkerge qatysty sybaılas jemqorlyq qylmystar boıynsha 16 qylmystyq is qozǵaldy. Olardyń 7 para alý faktisi boıynsha. Al 2007 jyldan bastap para alý faktisi boıynsha jyl saıyn 2 qylmystyq isten ǵana qozǵalǵan.
Aǵymdaǵy jylǵy 15 aqpanda Agenttiktiń Іshki qaýipsizdik basqarmasy «Sıtı Laıt» JShS tekserýdi toqtatý úshin 30 myń AQSh dollary kóleminde para alý ústinde Almaty qalasy boıynsha ESJKD ınspektory Ý.Hasanovty ustady. Ol 10 jylǵa bas bostandyǵynan aıyrýǵa sottaldy.
2012 jylǵy 21 maýsymda Aqtóbe oblysynyń UQKD qyzmetkerlerimen birigip jasalǵan jedel-izdestirý sharalarynyń nátıjesinde Dontsovany qylmystyq jaýapkershilikke tartpaý úshin odan 30 myń AQSh dollaryn alý kezinde Aqtóbe oblysy boıynsha ESJKD tergeýshisi A.Gossen ustaldy. Ol 10 jyl bas bostandyǵynan aıyrýǵa sottaldy.
Qarjy polıtsııasy organdarynyń ishki qaýipsizdik bólimshelerimen 2012 jyly 1166 (2011j. - 1564) qyzmettik tekseris júrgizildi, 665 (885) fakti rastalyp, qarjy polıtsııasynyń 709 (2011j. - 934) qyzmetkeri tártiptik jaýapkeshiliktiń túrli jazalaryna tartyldy.
N.Saparov bul statıstıkanyń qyzmetkerlerdiń is-áreketine qatysty túsetin aryz-shaǵymdardyń azaıý, sondaı-aq halyqtyń qarjy polıtsııasy organdarynyń óz qatarlaryndaǵy sybaılas jemqorlyqpen kúreske degen seniminiń artý dınamıkasyn kórsetetindigin aıtty.
