2012 jyly qala kóshelerin 100-ge tarta avtobýs tolyqtyratyn bolady
ASTANA. 17 qazan. QazAqparat - Jyl basynan beri jolaýshylar kóligi kásiporyndary 83 jańa avtobýs satyp aldy. Jyldyń aıaǵyna deıin taǵy da qosymsha 20 jańa avtobýs satyp alý josparlanýda, - dep habarlaıdy Astana qalasynyń Jolaýshylar tasymaly jáne avtomobıl joldary basqarmasynan.
Elorda ákimdigi resmı saıtynyń málimetinshe, basqarma avtokásiporyndardyń GPS-navıgatsııasy jerserigi kórsetkishteri boıynsha jumystaryna esep júrgizýdi qolǵa alyp, poıyz jolaýshylaryna qolma-qol aqshasyz esep aıyrysýdy qarastyratyn «Elektrondy bılet» ilki jobasyn ázirledi. Ony osy jyldyń qarasha aıynda engizý josparlanýda.
Basqarmanyń aqparaty boıynsha, qala baǵyttarynda jolaýshylar tasymalyn qazirgi ýaqytta 8 avtokásiporyn júzege asyrady. Kún saıyn jelilerge 778 avtobýs shyǵarylady. Qala baǵyttaryndaǵy joldardyń uzyndyǵy, jalpy alǵanda, 2442 kılometrdi quraıdy. Kún saıyn osy joldarmen 515 myńǵa deıin jolaýshy tasymaldanady.
