2012 jyly Internette 133,4 mlrd. teńgeniń 6,7 mln. tranzaktsııasy jasaldy

Bul týraly búgin forum.profinance.kz saıtynda ótken onlaın-konferentsııa barysynda Ulttyq bank tóraǵasy Grıgorıı Marchenko málim etti.

«Qarym-qatynassyz tólem jasaý banktik tólem kartalaryn paıdalanýǵa negizdelgen. Qazaqstanda atalǵan ınnovatsııa áli de bolsa jalpyǵa ortaq ári keń taraı qoıǵan joq. Degenmen bankter tarapynan bul tehnologııany engizý jalǵasýda. Internet arqyly tólem jasaý qarqyndy damý ústinde. Tek 2012 jyly ǵana Internet jelisiniń kómegimen 133,4 mlrd. teńgeniń 6,7 mln. tranzaktsııasy jasaldy. Internet jelisinde onlaın tólemder jasaý úshin tólem kartalary, onyń ishinde vırtýaldy tólem kartasy men elektrondy aqsha qoldanylady», - dedi Ulttyq bank tóraǵasy.