2012 jyly ınnovatsııa engiziletin basym tehnologııalar men salalar anyqtalatyn bolady
dep habarlady pm.kz saıty.
«Áleýmettik-ekonomıkalyq jańǵyrtý - Qazaqstan damýynyń basty baǵyty» atty halyqqa arnaǵan bıylǵy Joldaýynda Elbasy N.Á.Nazarbaev Úkimetke ulttyq ınnovatsııalyq júıeni nyǵaıtýdy tapsyrdy.
«Úkimet qazaqstandyq ınnovatsııalyq júıeni nyǵaıtýy kerek. Innovatsııalyq granttar bólý arqyly ǵylymı zertteýlerdi qarjylandyrýǵa ketetin bıýdjettik shyǵyndardy kóbeıtý mańyzdy bolyp tabylady», - dedi Elbasy N.Á.Nazarbaev.
Memlekettik saıasattyń kúsh-jigeri ekonomıkanyń barlyq salalary men barlyq ǵylymı-tehnologııalyq jumystarda ınnovatsııalyq ortany damytýǵa baǵyttalǵan. Mysaly, respýblıkamyzda aımaqtyq tehnoparkterdi, arnaıy ekonomıkalyq aımaqtar men qurastyrýshy bıýrolardy qosa alǵanda, ınnovatsııalyq ınfraqurylym quryldy.
Ulttyq ınnovatsııalyq qor óziniń jumysyn bastaǵannan beri 15 jobany, 55 tájirıbelik-qurastyrýshylyq jumystardy qarjylandyrǵan, búgingi tańda qordyń qatysýymen 9 ınovatsııalyq joba júzege asyrylyp jatyr.
Aıta keterligi, Koreıa ǵylym men tehnologııany baǵalaý jáne josparlaý ınstıtýtymen birlese otyryp Ulttyq ınnnovatsııalyq qor ǵylymı-tehnologııalyq forsaıt júrgizgen, ol forsaıt Qazaqstannyń aldaǵy damý vektoryn, basym baǵytqa ıe tehnologııalar men salalardy anyqtaýǵa baǵyttalǵan. 2012 jyly ilki joba retinde eń basymdyqqa ıe 10 tehnologııa boıynsha tıisti maqsatty tehnologııalyq baǵdarlamalar ázirlenip, memlekettik bıýdjetti qosa alǵanda, jan-jaqty qarjylandyrýǵa ıe bolady.
2011 jyly Qazaqstannyń Ǵylymı-zertteý ınstıtýttary men ýnıversıtetteri janynan 9 kommertsııalandyrý keńsesi ashylǵan bolatyn. Keńseler ǵylymı-tehnıkalyq qyzmet nátıjelerin naryqqa shyǵarý maqsatymen ǵylym men bıznes arasyn baılanystyryp turǵan býyn bolyp tabylady. Búgingi tańda kelip túsken 74 ınnovatsııalyq jobalar arasynda 18 joba tujyrymdaýǵa iriktelip alyndy. Sonymen qatar, 18 jobanyń 7-eýi kommertsııalandyrý boıynsha naqty kómekke ıe bolady.
Osylaısha, jańa tehnologııalardy qoldaýǵa baǵyttalǵan quraldar ınnovatsııalyq ınfraqurylymdy damytýǵa, ǵylymı jumystardy tıimdi engizýge, tehnologııalardy transfertteýge, sondaı-aq jalpy ústeme quny úlken deńgeıdegi joǵary tehnologııalyq ónimderdi júzege asyrýǵa baǵyttalǵan.
