2012 jyly I.Tasmaǵambetovtyń blogyna bilim salasyna qatysty 930 hat tústi
ASTANA. 9 qańtar. QazAqparat - 2012 jyly Astana qalasy ákiminiń ınternet-blogyna bilim berý salasyna qatysty 930 suraq pen hat kelip tústi.
Bul 2011 jylmen salystyrǵanda (1372) 33%-ǵa az. Bul týraly qalalyq Bilim basqarmasynan málim etti.
Elordanyń resmı saıtynyń jazýynsha, atalǵan fakti, bárinen buryn qalanyń pedagogıkalyq ujymdarynda aqparattyq-túsinik jumystarynyń jolǵa qoıylǵandyǵynyń jáne ata-analarmen, jalpy jurtshylyqpen qordalanǵan máselelerdi qalanyń BAQ-tary arqyly ýaqytynda sheship otyrylýynyń nátıjesi. Sondaı-aq, kelgen saýaldarǵa Astana qalasynyń resmı saıty - astana.kz arqyly qysqa merzimde jaýap berilýiniń de oń áseri boldy.
Kelip túsken hattardyń kópshiligi balabaqshalardaǵy kezekke, ata-analardyń mektepke deıingi mekemelerde sanıtarlyq-gıgıenalyq talaptardyń qatań saqtalýyn qadaǵalaýǵa baılanysty bolǵan. Sonymen qatar, balabaqshalar men mektepterdegi qajettilik úshin degen jeleýmen zańsyz aqsha jınaýǵa qatysty da shaǵymdar az emes. Kóptegen ata-analardy qala mektepterindegi oqýlyqpen qamtý máselesi de jıi tolaǵandyrady.
