2012 jyly eńbek zańnamasyn buzýdyń 54,5 myńnan astam faktisi anyqtaldy
ASTANA. 11 aqpan. QazAqparat - 2012 jyly memlekettik eńbek ınspektorlary 17 246 tekserý júrgizip, 54,5 myńnan astam eńbek zańnamasynyń buzýshylyǵyn anyqtady.
Bul týraly QR Eńbek jáne halyqty áleýmettik qorǵaý mınıstrliginiń málimetterinde habarlandy.
Anyqtalǵan buzýshylyqtardyń nátıjesi boıynsha memlekettik eńbek ınspektorlary jalpy somasy 486,2 mln. teńgege 12,7 myń aıyppul saldy.
Budan bólek, respýblıka boıynsha merzimi ótken bereshekter (3 aıdan asqan) kólemi 2012 jyldyń basyndaǵy 1,4 mlrd. teńgeden 2013 jylǵy 1 qańtardaǵy jaǵdaı boıynsha 1,1 mlrd. teńgege deıin azaıdy.
