2012 jyly elordanyń sol jaǵalaýynda 2 emhana paıdalanýǵa beriledi - S.Qaıyrbekova
ASTANA. 12 qyrkúıek. QazAqparat - 2012 jyly elordanyń sol jaǵalaýynda 2 emhana paıdalanýǵa beriledi. Bul týraly búgin QR Prezıdenti janyndaǵy Adam quqyqtary jónindegi komıssııanyń otyrysynda QR Densaýlyq saqtaý mınıstri Salıdat Qaıyrbekova málim etti.
«Shyndyǵynda da Astananyń sol jaǵalaýynda alǵashqy medıtsınalyq-sanıtarlyq kómek kórsetý turǵysynda jetispeýshilikter bar. Bul árıne qala turǵyndaryna belgili qıyndyqtar týyndatady. Elordanyń bul aýdanynda 2 emhana salynatyn bolady. Olar kelesi jyldyń sońyna deıin paıdalanýǵa beriledi dep kútilýde», - dedi ol.
Onyń atap ótýinshe, qalalyq densaýlyq saqtaý basqarmasy oryn alyp otyrǵan qıyndyqtardan shyǵý úshin turǵyn úı keshenderiniń 1 qabattaryn jalǵa alýda. Olarda balalarmen qatar eresek qala turǵyndaryna da medıtsınalyq kómek kórsetiledi.
