2012 jyly elordaǵa 1 500-ge tarta oralman qonystandy
ASTANA. 21 aqpan. QazAqparat - 1991 jyly Astana 9 500-den astam oralmandy qabyldasa, olardyń 6400-i - (1370 otbasy) kóshi-qon kvotasy boıynsha.
Al 2012 jyly elordaǵa 1469 oralman keldi. Bul týraly astana.kz saıtyna Respýblıkalyq «Asar» qoǵamdyq birlestiginen habarlaıdy.
«Barlyq oralmandardyń (52,3%) teń jartysynan astamy - eńbek jasynda, eńbek jasyna jetpegenderi - 42, 5 paıyz. 2 983 ımmıgranttyń (31,4%) joǵary bilimi, 1 520-synyń (16,0%) - arnaıy bilimi bar», - delingen habarlamada.
2012 jyldyń tamyz aıynda Astana qalasy Іshki saıasat basqarmasynyń qoldaýymen, Respýblıkalyq «Asar» qoǵamdyq birlestigi bazasynda oralmandar úshin konsýltatıvtik ortalyq ashyldy.
Ortalyqta anyqtama telefony jumys isteıdi. Tarıhı otanyna oralǵan baýyrlarymyz týraly kez kelgen aqparatty 47-80-19 nómiri arqyly bilýge bolady. Jobany júzege asyrý barysynda atalǵan qyzmetti 237 adam paıdalanǵan.
Kópshiligin qyzyqtyratyn suraqtar mynalar:
- qujattamalar (turýǵa ruqsat alý, turaqty mekenjaıǵa tirkelý, azamattyq alý) (11.6%);
- kóshi-qon kvotasy, oralman mártebesi, zańdyq kómek alý (9.7%);
- járdemaqylar men zeınetaqylar tóleý (3.5%);
- jumysqa ornalasý, elordada shaǵyn jáne orta bıznesti qoldaý men damytý, «Bıznestiń jol kartasy -2020» baǵdarlamasyna qatysý (25,6%).
- jer telimderin, baspana alý, sondaı-aq, «Qoljetimdi turǵyn úı -2020» baǵdarlamasyna qatysý (68,5%);
- «Turǵyn úı qurylys jınaq banki» arqyly nesıemen páter alý (45,6%).
