2012 jyly elordada tótenshe oqıǵalar saldarynan 75 adam mert boldy

Bul týraly búgin Astana qalalyq tótenshe jaǵdaılar departamenti bastyǵynyń orynbasary Beıbit Sadyqov aıtty.

Onyń atap ótýinshe, 2012 jyly elorda aýmaǵynda 1185 tótenshe jaǵdaı tirkelgen. Bul 2011 jylmen salystyrǵanda 21 paıyzǵa kóp. Naqty aıtqanda, tabıǵı sıpattaǵy 23 oqıǵa tirkelip, 3 kólik apaty, 92 óndiristik apat, 144 tirshilikpen qamtamasyz etý júıesindegi apat, sondaı-aq 922 óndiristik jáne turmystyq órt oryn alǵan.

«Departament bólimsheleri shuǵyl shaqyrtýlarǵa 3150 ret shyqty, onyń ishinde sýdan qutqarý qyzmeti - 45 márte. Oryndalǵan jumys nátıjesinde 185 adam qutqarylyp, 2400 adam qaýipsiz jerge kóshirildi», - dedi ol.

B.Sadyqovtyń aıtýynsha, atqarylyp jatqan jumystarǵa qaramastan tótenshe jaǵdaılardan 75 adam qaza taýyp, 349 adam zardap shekken. Kelgen shyǵyn 247 mln. tengeni quraıdy.