2012 jyly elordada sút, un jáne kondıter ónimderin óndirý ulǵaıdy
ASTANA. 28 qańtar. QazAqparat - 2012 jyly Astanada óndiristik ónim kólemi 196,4 mlrd teńgeni qurap, 2011 jylmen salystyrǵanda 100,1% deńgeıge jetti. Bul týraly Astana qalasynyń resmı saıty Statıstıka departamentine silteme jasap habarlaıdy.
Departamenttiń málimeti boıynsha, óńdeýshi óndiristegi óndirilgen taýarlardyń sany 2011 jylmen salystyrǵanda 1,5%-ǵa ósip, sýsyn, kıim, basqa da metall emes mıneraldyq ónimder shyǵarý artty. Sondaı-aq, metallýrgııa óndirisinde de ónim kólemi ulǵaıyp otyr.
Sonymen qatar, 2012 jyly qalalyq qurylys ındýstrııasy kásiporyndary taýar betonyn óndirýdi (2011 jylǵy deńgeımen salystyrǵanda 119,6%), tsement pen betonnan jáne jasandy kirpishterden jınaqtap, qurastyrý elementterin (128,4%) qamtamasyz etti.
Sondaı-aq, ótken jyly elordanyń tamaq ónerkásibinde sút óndirý kólemi 3,4%, astyq daqyly uny 3,7%, tort jáne kondıter ónimderi - 15,8%-ǵa kóbeıdi.
«Sýmen qamtý, kárizdik júıesi kólemi, qaldyqtardy jınap, bólýdi baqylaý 2011 jylmen salystyrǵanda 1,9%-ǵa ósip, 8 mlrd teńgeni qurady», - dep habarlaıdy vedomstvodan.
