2012 jyly elordada qurylys jumystary jańa normatıvterge saı júrgiziledi

Bul týraly qala aktıvimen ótken jıyn barysynda elorda ákimi Imanǵalı Tasmaǵambetov aıtty.

«Qala qurylysy keńesinde biz jańa normatıvterdi bekittik. Olar eń aldymen qurylys sapasyna baǵyttalǵan. Eń bastysy, jańa nysandardy vızýaldy qabyldaý múldem ózgeshe bolady. Árleý materıaldary -mármár men travertın. Bul árleý materıaldary nysandy vızýaldy jáne estetıkalyq qabyldaý máselelerinen bastap jylýdy ustap turý jáne osy nysandardy qamtamasyz etýge qatysty basqa jaıttarǵa baılanysty máselelerdi sheshýge múmkindik beredi», - dedi ol.

Onyń atap ótýinshe, aǵymdaǵy jyly is júzinde qurylys sektoryndaǵy, onyń ishinde úleskerlik qurylysqa qatysty barlyq problemalar sheshilgen. Osy oraıda Astananyń turǵyn úı salasyjyl saıyn 30-50 myń sharshy metrge ulǵaıyp otyrady. Máselen, 2010 jyly 1 mln. 380 myń sharshy metr turǵyn úı salynsa, 2011 jyly 1 mln. 400 myń turǵyn úı paıdalanýǵa berildi.