2012 jyly Elektrondyq úkimet portalynda 100-den asa qyzmet túri júzege asady - Baılanys jáne aqparat mınıstri
ASTANA. 6 jeltoqsan. QazAqparat /Qanat Mámetqazyuly/ - 2012 jyly Elektrondyq úkimet portalynda 100-den asa qyzmet túrleri júzege asady. Bul týraly búgin QR Parlamenti Májilisinde aqparattyq-kommýnıkatsııalyq tehnologııalardy damytý taqyrybynda ótken Úkimet saǵatynda Baılanys jáne aqparat mınıstri Asqar Jumaǵalıev málim etti.
«Aǵymdaǵy jyl basynda Elektrondyq úkimet portaly arqyly 18 myń anyqtamalar berilgen bolsa, búgingi kúni bundaı jolmen berilgen anyqtamalar sany 1 mln. 300 myńǵa deıin jetip otyr. Jalpy, 2010 jyly elektrondyq lıtsenzııalardy berý bastalyp, qazirgi ýaqytta bulardyń sany 100-ge jetti. Budan bólek, 2009 jyly Elektrondyq úkimet portalynda 59 elektrondyq qyzmet pen servıster bolsa, 2010 jyldyń aıaǵyna deıin bul kórsetkishti 74-ke deıin arttyramyz», - dedi A. Jumaǵalıev.
Mınıstrdiń aıtýynsha, jyl saıyn qazaqstandyqtar úshin usynylatyn elektrondyq qyzmetter sany ulǵaıa túspek. «Nátıjesinde, 2011 jyly 15 jańa elektrondyq qyzmetterdi engizip, 2012 jyly olardyń sanyn 100-den asyratyn bolamyz», - dedi A. Jumaǵalıev.
